मत्ती 12:15 - ओङ राजपूत

¹⁵ ईं जाणती कर ईशु उठु चाह्‍ला गेला। ते ब़ोहत लौक ओचे भांसु टुरती पले, ते ओणे सब नु ठीक करले।

मत्ती 12:15 ပူးပေါင်းရင်းမြစ်များ

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 19:2

तब बङी भीड़ ओचे भांसु टुरती पली, ते ओणे ओठे वानु चंगा करले।

मरकुस 6:56

ते जिठे-किठी ओ गांवा, शहरा मां जा बस्तीया मां जता, लौक बिमारा नु बजारा मां मेहलती कर ओकनु बिनती करते कि ओ वानु आपणे ओढ़णा चे पांदा नु हाथ लाऊं ङियो। ते जितना ने ओनु हाथ लाला, वे सारे ठीक हुती गेले।

लूका 5:22

ईशु ने वांचे मना चीया बाता जाणती कर, वानु केहले, “तम्ही आपणे मना मां कां विवाद करा पले?

लूका 6:12

वां ङिहां मां ओ पहाड़ा उपर प्राथना करने वास्ते गेला, ते नरीकारा कनु प्राथना करने मां सारी रात बिताली।

लूका 9:11

ईं जाणती कर भीड़ ईशु चे भांसु टुरती पली, ते ओ खुशी लारे वानु मिड़ला, ते वांचे लारे नरीकारा चे राज़ चीया बाता करु लाग़ला। ते जको ठीक हुवणे चाहवी ले वानु ठीक करले।

यूहन्‍ना 11:54

ऐवास्ते ईशु ओह समय कनु यहूदिया मां उजागर हुती कर कोनी फिरला। पर उठु बरब्यान चे गोढु इफ्राईम नांवा चा हेक शहरा नु चाह्‍ला गेला, ते आपणे चैला लारे उठी रेहला।

यूहन्‍ना 7:1

यां बाता चे बाद, ईशु गलील मां फिरता रेहला। कांकि यहूदी नेते ओनु मारती नाखणे चा चारा लाली भिलते, ऐवास्ते ओ यहूदिया मां फिरना ना चाहता।

यूहन्‍ना 9:4

जेह्णे मनु भेज़ले अम्हानु ओचे काम ङिओ रेहते ही करने जरुरी छै, वा रात आणे आली छै, जाये मां कुई काम ना कर सग़ी।

गलातियां 6:9

ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

1 पतरस 2:21

नरीकारा ने तम्हानु ऐवास्ते हकारले, कांकि मसीह ने वी तम्चे वास्ते ङोख भोग़ले, ते इसड़े करती कर तम्चे वास्ते हेक मिसाल छोड़ली, कि तम्ही वी ओचे चैन्ह उपर चला। कांकि यूं लिखले पले,