मत्ती 10:5 - ओङ राजपूत

⁵ यां ब़ारहा नु ईशु ने हा आज्ञा ङिती कर भेज़ले, “नेरीया जातिया सनु ना जजा, ते सामरिया चे कुई शहरा मां ना घिरजा।

मत्ती 10:5 ပူးပေါင်းရင်းမြစ်များ

मत्ती 22:3

ते ओणे आपणे दासा नु भेज़ले कि छेड़ा ङिले आले लौका नु बीहा चे खाणे मां हकारा, पर वे आणे ना चाह्‍ले।

मत्ती 4:15

कि “जबूलून ते नप्ताली चे देश, झील चे मार्ग़ कनु यरदन नदी चे पक्षिम मां, नेरीया जातिया चे देश गलील मां।

मरकुस 6:7

ईशु ने ब़ारहा नु आपणे गोढु हकारले। ते वानु ङोन ङोन करती कर भेज़ु लाग़ला, ते वानु अशुद्ध आत्मा चे उपर अधिकार ङिला।

लूका 10:1

यां बाता चे बाद प्रभु ईशु ने सत्तर नेरे चैला नु नियुक्‍त करले, ते जिसे-जिसे शहरा ते जग़हा नु ओह आप जाणे आला हुता, उठे वानु ङोन-ङोन करती कर आपणे आग़ु भेज़ले

लूका 10:33

पर हेक सामरी यात्री ओठे आती पुज़ला, ते ओनु ङेखती कर तरस खाला।

लूका 17:16

ते ईशु चे पग़्ग़ा मां मुँहा भराणे ढेती, ओचा धन्यवाद करु लाग़ला, ते ओ हेक सामरी हुता।

लूका 9:1

बल्ति ईशु ने ब़ारहा प्रेरिता नु हकारती कर वानु सारीया दुष्टात्मा ते बिमारीया नु दूर करने ची सामर्थ ते अधिकार ङिला,

लूका 9:2

ते वानु नरीकारा चे राज़ चा प्रचार करने ते बिमारा नु ठीक करने चे वास्ते भेज़ले।

यूहन्‍ना 17:18

जिंवे तु मनु संसारा मां भेज़ले, यूंही मैं वी वानु संसारा मां भेज़ले।

यूहन्‍ना 20:21

ईशु ने बल्ति वानु केहले, “तम्हानु शान्ति मिलो! यूंही जिंवे ब़ा नरीकारा ने मनु भेज़ले, मैं वी तम्हानु यूंही भेज़े पला।”

यूहन्‍ना 4:20

अम्चे पुरखा ने ऐह पहाड़ा उपर अराधना करली, ते तम्ही यहूदी किहा कि वा जग़हा जिठे अराधना करनी चाही छै यरुशलेम मां छै।”

यूहन्‍ना 4:5

ऐवास्ते ओ सुखार नांवा चे हेक शहरा तक आला जको सामरिया मां छै, वे जग़हा चे गोढु जिठे याकूब ने आपणे पूता यूसुफ नु ङिली हुती।

यूहन्‍ना 4:9

वे सामरी असतरी ने ओनु केहले, “तु यहूदी हुती कर सामरी असतरी कनु पाणी कां मांगी?”, विणे ऐवास्ते केहले कांकि वां ङिहां मां यहूदी सामरिया लारे कुई वी बर्ताव ना राखते।

यूहन्‍ना 7:35

यहूदिया ने आपस मां केहले, “हा किठे जई कि अम्ही ऐनू नी सोध सग़ु? का ओ वाकनु जई जको अम्चे लौक यूनानिया मां खिंडती-पुंडती कर रिही पले, ते यूनानिया नु वी उपदेश ङिही?

यूहन्‍ना 8:48

ईं सुणती यहूदिया ने ईशु नु केहले, “का अम्ही ठीक कोनी किहुं पले कि तु सामरी छी ते दुधे मां दुष्टात्मा छै?”

प्रेरितां चे काम 1:8

पर जिसे बेले पवित्र आत्मा तम्चे उपर आवी तब तम्हानु सामर्थ मिली ते यरुशलेम ते सारे यहूदिया ते सामरिया मां ते धरती चे सिरे तक माये ग़वाह हुवे।”

प्रेरितां चे काम 10:45

ते जितने यहूदी विश्‍वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।