मत्ती 10:23 - ओङ राजपूत

²³ जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 10:23 ပူးပေါင်းရင်းမြစ်များ

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 16:28

मैं तम्हानु सच्‍च किहे पला कि जको भिले, वांचे महु कोच्छ इसड़े छी कि जब तक मैं इन्साना चे पूता नु ओचे राज़ मां आते हुले नी ङेखती गिहे, तब तक मौत चा स्वाद कङी नी चाखे।”

मत्ती 2:13

ज्योतिषिया चे चाह्‍ले जाणे चे बाद, यूसुफ नु खाबा मां प्रभु चा हेक स्वर्ग़दूत ङिसला ते ओणे केहले, “उठती कर ब़ाला नु ते ओची आई नु गेहती कर चोप-चाप करती मिस्र नु चाह्‍ला जा, ते जब तक मैं ना किहे, तब तक उठी रिहो, कांकि हेरोदेस ऐ ब़ाला नु सोता फिरे कि ओनु मरवाती नाखे।”

मत्ती 23:34

ऐवास्ते ङेखा, मैं तम्चे गोढु भविष्यवक्‍ता ते ब़ुध्दिमान ते शास्त्रीया नु भेज़े पला, ते तम्ही वांचे महु कईयां नु मारती नाखा ते क्रूसा उपर चढ़ावा, ते कईयां नु प्राथनाघरा मां कोड़े मारा ते हेक शहरा कनु ङुजे शहरा मां दुरकाणते फिरा।

मत्ती 23:36

मैं तम्हानु सच्‍च किहे पला, ये सारीया बाता ऐ समय चे लौका उपर आती पड़े।

मत्ती 24:27

कांकि जिंवे बिजली पूरब कनु निकलती कर पश्‍चिम तक चमकती जाये, यूंही मैं इन्साना चे पूता चे वी आणे हुवी।

मत्ती 24:30

“बल्ति मैं इन्साना चे पूता चा चैन्ह आसमाना मां ङिसु लाग़ी, ते बल्ति धरती चे सारे कोल्‍ल चे लौक छात्ती कोट्टे, ते मैं इन्साना चे पूता नु बङी सामर्थ ते महिमा चे लारे आसमाना चे बदला उपर आते ङेखे।

मत्ती 24:34

मैं तम्हानु सच्‍च किहे पला कि जब तक ये सारीया बाता पुरीया ना हो, तब तक ये पीढ़ी चा अन्त नी हुवी।

मत्ती 24:48

पर अगर ओ दुष्ट दास सोचु लाग़ो, ‘माये मालिका चे आणे मां देर छै।’

मत्ती 25:13

“ऐवास्ते जाग़ते रिहा, कांकि तम्ही ना ओ ङिओ नु जाणा, ना वे घणी नु।

मत्ती 26:64

ईशु ने ओनु केहले, “तु आप ही केहती ङिले, बल्कि मैं तम्हानु ईं वी किहे पला कि हमा कनु तम्ही मैं इन्साना चे पूता नु, सर्वशक्‍तिमान चे सज़्ज़े पासु ब़ेहले, ते आसमाना चे बदला उपर आते ङेखा।”

मत्ती 4:12

ईशु ने जिसे बेले सुणले कि यूहन्‍ना पकड़ीती चुकला ते ओ गलील प्रदेस सनु चाह्‍ला गेला।

मरकुस 13:26

“बल्ति लौक, मैं इन्सान चे पूता नु बङी सामर्थ ते महिमा चे लारे बदला उपर आते ङेखे।

लूका 18:8

मैं तम्हानु किहे पला, ओ तुरन्त वांचा सच्‍चा न्यां चुकावी। तां वी मैं इन्साना चा पूत जिसे बेले आवी, तां का मैं धरती उपर विश्‍वास ङेखी?”

लूका 21:27

बल्ति वे, मैं इन्साना चे पूता नु सामर्थ ते बङी महिमा चे लारे बदला उपर आते ङेखे।

यूहन्‍ना 7:1

यां बाता चे बाद, ईशु गलील मां फिरता रेहला। कांकि यहूदी नेते ओनु मारती नाखणे चा चारा लाली भिलते, ऐवास्ते ओ यहूदिया मां फिरना ना चाहता।

प्रेरितां चे काम 17:10

विश्‍वासी भावां ने तुरन्त रातो-रात पौलुस ते सीलास नु बिरीया शहरा मां भेज़ती ङिले, ते वे ओठे पुज़ती कर यहूदिया चे प्राथनाघरा मां गेले।

प्रेरितां चे काम 17:14

तब तुरन्त ही विश्‍वासी भावां ने पौलुस नु विदा करती ते समुन्दर चे किनारे सनु भेज़ती ङिले, पर सीलास ते तीमुथियुस उठी रेहती गेले।

प्रेरितां चे काम 20:1

जिसे बेले हुल्‍लड़ खत्तम हुती गेला तां पौलुस ने चैला नु हकरवाती कर समझाले, ते वांचे कनु विदा हुती कर मकिदुनिया सनु चाह्‍ला गेला।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।