मत्ती 10:15 - ओङ राजपूत

¹⁵ मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 10:15 ပူးပေါင်းရင်းမြစ်များ

मत्ती 12:36

“कांकि मैं तम्हानु बावड़े पला, कि न्यां चे ङिओ हर हेक बन्दे नु जको ओणे आपणे मुँहा लारे बुराई चा बाता केहलीया, वांचीया सारीया चा हिसाब ङेणा पड़ी।

मत्ती 5:18

कांकि मैं तम्हानु सच्‍च किहे कि जब तक आसमान ते धरती टलती ना जाओ, तब तक मूसा ची व्यवस्था महु हेक मात्रा जा ठींबी वी बिना पुरे हुले नी टली।

मत्ती 7:22

ओ ङिओ ब़ोहत से लौक मनु किहे, ‘हे प्रभु, हे प्रभु, का अम्ही दुधे नांवा लारे भविष्यवाणी कोनी करली, ते दुधे नांवा लारे शैताना नु कोनी काढ़ले,ते दुधे नांवा लारे ब़ोहत से अचम्भे चे काम कोनी करले?’

मरकुस 6:11

“जिसी जग़हा चे लौक तम्हानु ग्रहण ना करो ते तम्ची ना सुणो, उठु निकलते ही आपणे पग़्ग़ा ची धूड़ झाड़ती नाखा, कि वांचे उपर ग़वाही हो।”

यूहन्‍ना 12:48

जको मनु तोच्छ जाणे ते माया बाता नु ना मनी, ओनु दोषी बणावणे आला हेक छै, यानि जको वचन मैं केहले वे ही आखरी ङिओ मां ओनु दोषी ठहरावी।

यूहन्‍ना 6:39

माये भेज़णे आले ची हाओ मर्जी छै, ओणे जको कहीं मनु सोंपले वांचे महु मैं कनु गार ना करे, ते अन्त चे समय उपर वा सारा नु जीते करती ङिही।

यूहन्‍ना 6:40

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

प्रेरितां चे काम 17:31

कांकि नरीकारा ने हेक ङिओ ठहराला, जाये कनु ओ शक्स चे जरिये धार्मिकता लारे संसारा चा न्यां करी, जानु ओणे ठहराले ते मरला आला महु जीते करले, हा बात सारा बन्दा उपर साबित करली।”

1 कुरिन्थियां 3:13

तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै।

1 थिस्सलुनीकियां 5:4

पर हे माये भऊ, तम्ही तां अन्धकारा मां कोनी छिवा कि ओ ङिओ तम्चे उपर चोरा आलीकर आती पड़ो।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

2 पतरस 2:6

ते नरीकारा ने सदोम ते अमोरा चे शहरा नु इसड़ा ङण्ड ङिला, कि वानु भसम करती माटी मां मिलाती ङिले कि वे आणे आले अधर्मी लौका वास्ते हेक मिसाल बणो।

2 पतरस 2:9

यूं करती प्रभु भग़ता नु परीक्षा महु काढ़ती गेहणे ते अधर्मीया नु न्यां चे ङिओ तक ङण्ड ची हालती मां राखणे जाणे।

2 पतरस 3:7

पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।

1 यूहन्‍ना 4:17

ऐचे कनु प्रेम अम्चे मां सेद्ध हुला, कि अम्हानु न्यां चे ङिओ हिम्मत हो, कांकि जिसड़ा ईशु मसीह छै, यूंही संसारा मां अम्ही वी जिऊं पले।

यहूदा 1:6

मैं तम्हानु ईं वी याद ङिवाणा चाहवे कि जिसा स्वर्ग़दूता ने आपणे पद्द नु मजबूत कोनी राखले बल्कि आपणी खौद्द ची रेहणे ची जग़हा नु छोड़ती ङिले, ते नरीकारा ने वानु वी ओ महान न्यां चे ङिओ चे वास्ते अन्धकार मां, जको सदा वास्ते छै, संगला मां ब़ांहती नाखले।

यहूदा 1:7

जिंवे करती सदोम ते अमोरा ते वांचे आस-पास चे शहर, जको वांचे आलीकर व्यभिचारी हुती गेलते ते बुराई चे मार्ग़ उपर टुरती पले। वानु कङी ना ब़िझणे आले जाखते मां नाखती ङेणे चा ङण्ड ङिला गेला, वे अम्चे वास्ते मिसाल चे रुप मां ठहराले गेले।