लूका 9:26 - ओङ राजपूत

²⁶ जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

लूका 9:26 ပူးပေါင်းရင်းမြစ်များ

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 25:31

“जिसे बेले मैं इन्साना चा पूत आपणी महिमा मां आवी, ते सारे स्वर्ग़दूत माये लारे आवे, तां मैं आपणे सिंहासन उपर विराजमान हुवी।

मत्ती 26:64

ईशु ने ओनु केहले, “तु आप ही केहती ङिले, बल्कि मैं तम्हानु ईं वी किहे पला कि हमा कनु तम्ही मैं इन्साना चे पूता नु, सर्वशक्‍तिमान चे सज़्ज़े पासु ब़ेहले, ते आसमाना चे बदला उपर आते ङेखा।”

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

यूहन्‍ना 12:43

कांकि लौका ची वाह-वाह वानु नरीकारा ची प्रशंसा कनु ज्यादा प्यारी लाग़ती।

यूहन्‍ना 5:44

तम्ही माये मां विश्‍वास किवें कर सग़ा? कांकि तम्ही तां आपस मां हेके ङुजे चा कद्दर चाहवा ते ओ कद्दर नु तां ना ङेखा जको सेर्फ नरीकारा कनु आवे।

प्रेरितां चे काम 10:22

वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

2 कुरिन्थियां 12:10

ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।

गलातियां 6:14

पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

इब्रानियां 11:26

ते मसीह वास्ते निन्दा सेहणी, मिस्र देशा चे भरले आले गोदामा कनु ज्यादा उचित समझले। कांकि ओचीया आँख प्रतिफल मिलणे उपर लाग़लीया भिलतीया।

इब्रानियां 13:13

ऐवास्ते अम्ही वी ओचे लारे भेंट करु छावणी चे ब़ाहर उसड़ी ही निन्दा चवणे वास्ते चालु, जिंवे ओणे चली।

यहूदा 1:14

ते हनोक ने वी जको आदम ची सातवीं पीढ़ी महु आला, यांचे बारे मां हा भविष्यवाणी करली हुती कि, “ङेखा, प्रभु आपणे हजारा पवित्र दूता लारे आती कर,

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।

प्रकाशितवाक्य 20:11

बल्ति मैं हेक बङा चिट्टा सिंहासन ते ओचे उपर जको ब़ेहला हुता ङेखले, जाये सामणे कनु धरती ते आसमान नासती गेले, पर वांचा किठी पता तक कोनी लाग़ला।

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 3:5

जको जीतती जई ओनु यूं करती चिट्टी ओढ़णी घलाली जाये, ते मैं ओचे नां जीवन ची किताबे महु किसी रीति लारे नी कटी, पर ओचे नां आपणे ब़ा ते ओचे स्वर्ग़दूता चे सामणे मनती गिही।