लूका 8:3 - ओङ राजपूत

³ हेरोदेस राजा चे भण्डारी खोजें ची घराआली योअन्‍ना ते सुसन्‍नाह ते ब़ोहत सारीया असतरीया, जको आपणी धन-दौलत लारे ईशु ते चैला ची सेवा करतीया।

लूका 8:3 ပူးပေါင်းရင်းမြစ်များ

मत्ती 14:1

ओ समय देशा ची चौथाई चा राजा हेरोदेस ने ईशु ची चर्चा सुणली,

मत्ती 14:3

कांकि हेरोदेस ने आपणे भावा फिलिप्पुस ची घराआली हेरोदियास ची वजह, यूहन्‍ना नु पकड़वाती कर ब़ांहले ते कैदखाने मां नाखती ङिलते,

मत्ती 14:6

पर जिसे बेले हेरोदेस चा जनम ङिओ आला, तां हेरोदियास ची धूवे ने तेंहवारा मां नचती कर हेरोदेस नु खौश करले।

मत्ती 2:11

बल्ति वे घरा चे भीतर गेले ते वाणे ओची आई मरियम लारे ब़ाला चे वी दर्शन करले ते वाणे ओनु मत्थे टेकले ते आपणा-आपणा थैला खोलती कर ओनु सोने, ते लोबान, ते गन्धरस ची भेंट चढ़ाली।

मत्ती 20:8

“आथणा चे अंगूरा ची बाड़ी चे मालिका ने आपणे मुनीम नु केहले, ‘मजदूरा नु हकारती कर पिछला कनु लाती आग़ला तक वानु मजदूरी ङिती ङे।’

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 26:11

कंगाल तां तम्चे लारे सदा रिही, पर मैं तम्चे लारे सदा नी रिही।

मत्ती 27:55

ओठे ब़ोहत सारीया असतरीया जको गलील कनु ईशु ची सेवा करतीया हुलीया ओचे लारे आलीया हुतीया, दूर कनु ङेखी पलतीया।

लूका 24:10

जेह्णे प्रेरितां नु ये बाता केहलीया, वा मरियम मगदलीनी ते योअन्‍ना ते याकूब ची आई मरियम, ते वांचे लारे चीया नेरीया असतरीया वी हुतीया।

यूहन्‍ना 12:6

ओणे हा बात ऐवास्ते कोनी केहले कि ओनु कंगाला ची चिन्ता हुती पर ऐवास्ते कि ओह चोर हुता। ओचे कनु वांची ग़ुथली रेहती, ओचे मां जको कहीं नाखले जते ओ काढ़ती गेहता।

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

फिलिप्पियां 4:22

नरीकारा चे सब पवित्र लौक, खास करती कर जको कैसर राजे चे घराणे चे छी, तम्हानु नमस्कार किही पले।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।