लूका 8:15 - ओङ राजपूत

¹⁵ पर आच्छी भोंये चे वे छी, जको वचन सुणती कर भले ते उत्तम मना मां सम्भालती राखे, ते धीरज लारे फल आणी।

लूका 8:15 ပူးပေါင်းရင်းမြစ်များ

मत्ती 24:13

पर जको अन्त तक सब्र करली रिही, ओचा उद्धार हुवी।

लूका 11:28

ईशु ने केहले, “हां, पर धन्‍न वे छी जको नरीकारा चा वचन सुणी ते मनी।”

लूका 6:45

भले इन्सान आपणे मना चे भले भण्डार कनु भलीया बाता काढ़े ते बुरे इन्सान आपणे मना चे बुरे भण्डार कनु बुरीया बाता काढ़े, कांकि जको मना मां भरले पले, ऊंही ओचे मुँहा उपर आवे।

लूका 8:14

जको झाड़ीया मां ढेले ये वे छी जको वचना नु सुणी, पर उग़ते चलती कर चिन्ता, ते धन, ते जीवन चे सोख-विलास मां फसती जई, ते वांचा फल ना पक्‍की।

लूका 8:16

“कुई ङीवा ब़ालती कर ठांवा तले ना मेहली, ते ना खाटे तले मेहले, पर जाले मां मेहले कि भीतर आणे आला नु सोज़ले मिलो।

यूहन्‍ना 14:15

“अगर तम्ही माया लारे प्रेम करा, तां माये आज्ञा नु मना।

यूहन्‍ना 15:10

अगर तम्ही माये आज्ञा नु मना तां माये प्रेम मां बणले रिहा, जिंवे कि मैं आपणे ब़ा चे आज्ञा नु मने ते ओचे प्रेम मां बणला रिहे।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 6:22

पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।

रोमियां 7:18

कांकि मैं जाणे, कि माये मां यानिकि माये शरीरा मां कुई आच्छी चीज वास ना करी। इच्छा तां माये मां छै, पर भले काम माये कनु हुवी ना।

रोमियां 7:4

तां हे माये भऊ, तम्ही वी मसीह ची देह चे जरिये व्यवस्था वास्ते मरले आले बणती गेले कि मसीह चे हुती जऊं, जको मरला आला महु जीता हुती गेला, ताकि अम्ही नरीकारा चे वास्ते फल आणु।

रोमियां 8:25

पर जिसी चीजे नु अम्ही ना ङेखु, अगर विची आस राखु, तां तसल्‍ली लारे विचा इंतजार वी करु।

1 कुरिन्थियां 7:19

ना खतना कोच्छ छै ते ना खतनारहित। पर नरीकारा चीया आज्ञा नु मनणे ही सब कोच्छ छै।

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

इब्रानियां 10:36

कांकि तम्हानु सब्र करना जरुरी छै, कि नरीकारा ची इच्छा नु पुरी करती कर तम्ही वायदे चा फल गिहा।

इब्रानियां 2:1

ऐवास्ते जरुरी छै कि अम्ही जको सुणले, ओचे उपर खास ध्यान ङिऊं, इसड़े ना हो कि बहकती कर वांचे कनु दूर चाह्‍ले जऊं।

याकूब 1:4

पर सब्रा नु आपणे पुरे काम करु ङिया, कि तम्ही पुरे ते सेद्ध हुती जावा ते तम्चे मां कुई बाते ची घटी ना रिहो।

1 यूहन्‍ना 2:3

अगर अम्ही नरीकारा चीया आज्ञा नु मनु, तां ऐचे कनु अम्ही जाणती गिहुं कि अम्ही नरीकारा नु जाणती गेले।