लूका 6:8 - ओङ राजपूत

⁸ पर ओ वांचे विचार जाणता, ऐवास्ते ओणे सूखले हाथा आले बन्दे नु केहले, “ऊठ, आधे मां खड़ा हो।” ओ उठती खड़ा हुला।

लूका 6:8 ပူးပေါင်းရင်းမြစ်များ

मत्ती 9:4

ईशु ने वांचे मना चीया बाता जाणती कर केहले, “तम्ही लौक आपणे-आपणे मना मां बुरा विचार कां करा पले?

मरकुस 3:3

ओणे सूखले हाथा आले बन्दे नु केहले, “आधे मां खड़ा हो।”

लूका 13:12

ईशु ने विनु ङेखती कर हकारले ते केहले, “हे नारी, तु आपणी कुब़्ब़ी ब़लाई कनु आजाद हुती गेली।”

लूका 5:22

ईशु ने वांचे मना चीया बाता जाणती कर, वानु केहले, “तम्ही आपणे मना मां कां विवाद करा पले?

लूका 6:9

ईशु ने वानु केहले, “मैं तम्हा कनु पूछे पला कि सब्त चे ङिओ का वाजिब छै, भले करने जा बुरे करने, जीन्दगी नु बचावणे जा नाश करने?”

यूहन्‍ना 2:25

ओनु ये बाते ची जरुरत कोनी हुती, कि कुई आती कर ओनु लौका चे बारे मां बावड़ो, कांकि लौका चे मना मां का छै, ओ ये बाते नु जाणता।

यूहन्‍ना 21:17

ओणे तीजी वारी ओनु केहले, “हे शमौन यूहन्‍ना चा पूत, का तु माये लारे प्रीत राखी?” पतरस उदास हुला कि ओणे तीजी वारी इसड़े केहले कि, “का तु माये लारे प्रीत राखी?” तां पतरस ने केहले, “हे प्रभु, तु तां सब कोच्छ जाणी, तु ईं जाणी कि मैं दुधे लारे प्रीत राखे।” ईशु ने ओनु केहले, “माया भेङा नु चर्रा।

यूहन्‍ना 9:4

जेह्णे मनु भेज़ले अम्हानु ओचे काम ङिओ रेहते ही करने जरुरी छै, वा रात आणे आली छै, जाये मां कुई काम ना कर सग़ी।

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

प्रेरितां चे काम 26:26

जाये सामणे मैं बेधड़क हुती कर ब़ोले पला, यां बाता नु राजा अग्रिप्पा वी जाणे, ते मनु विश्‍वास छै, कि यां बाता महु कुई वी बात ओकनु लुकली कोनी पली, कांकि वा घटना तां कुई कूणे मां कोनी हुली।

फिलिप्पियां 1:28

ते किसी बाते मां विरोधीया चा भय ना खावा। हा वांचे वास्ते नाश हुवणे ची पक्‍की निशानी छै, पर तम्चे वास्ते उद्धार चा, ते हा नरीकारा ची तरफु इशारा छै,

इब्रानियां 4:13

ते सृष्टि ची कुई चीज नरीकारा कनु लुकली आली कोनी, जानु अम्ही लेखा ङेणा। सारीया चीजा ओचे सामणे साफ ते खुड़लीया आलीया छी।

1 पतरस 4:1

ऐवास्ते जबकि मसीह ने शरीरा मां हुती कर ङोख भोग़ले तां तम्ही वी वेही मनसा नु हथियारा आलीकर धारती गिहा कांकि जेह्णे शरीरा मां ङोख भोग़ले, ऊं पापा कनु छुटती गेले

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।