लूका 6:42 - ओङ राजपूत

⁴² जब तु आपणी ही आंखी चा खम्बा ना ङेखी, तां आपणे भावां नु किवें केह सग़ी, ‘हे भऊ, रुकती जा मैं दुधी आंखी महु कख काढ़ती ङिये’? हे कप्पटी, पेहले आपणी आंखी महु खम्बा काढ़, तब जको कख दुधे भावां ची आंखी मां छै, ओनु आच्छी तरह ङेखती कर काढ़ सग़े।

लूका 6:42 ပူးပေါင်းရင်းမြစ်များ

मत्ती 26:75

तब पतरस नु वा बात जको ईशु ने ओनु केहली हुती याद आली, “कूकड़े चे बांग ङेणे कनु पेहले तु तीन वारी माया इन्कार करे।” ते ओ ब़ाहर जती कर तकड़ा रोला।

मत्ती 7:3

“तु कां आपणे भावां ची आंखी चे कखा नु ङेखी, ते आपणी आंखी चा खम्बा तनु ना सूझी?

मत्ती 7:4

जब दुधी ही आंखी मां खम्बा छै, तां तु आपणे भावां नु किवें केह सग़ी, ‘आण मैं दुधी आंखी महु कख काढ़ती ङिये?’

लूका 13:15

ईं सुणती कर प्रभु ने केहले, “हे कप्पटीऊं, का सब्त चे ङिओ तम्चे महु हर हेक आपणे ङान्द जा गाहड़े नु खूंटे कनु खोलती कर पाणी पिलावणे वास्ते गेहती ना जई?

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

लूका 6:41

“तु आपणे भावां ची आंखी चे कखा नु कां ङेखी, ते आपणी ही आंखी चा खम्बा तनु ना सूझी?

लूका 6:43

“कुई आच्छे पेड़ कोनी जको निक्‍कमा फल आणे, ते ना तां कुई निक्‍कमे पेड़ छै जको आच्छे फल आणो।

प्रेरितां चे काम 13:10

“हे सारे कप्पट ते सब चतराई लारे भरले आले शैताना, ची ऊलाद्ध, समुचे धर्मा चे दुश्मन। का तु प्रभु चे सिधे मार्ग़ा नु टेढे-मेढे करने नी छोड़े?

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 8:21

ये बाते मां ना दुधा हेंस्सा छै, ना भईवाली, कांकि दुधे मन नरीकारा चे आग़ु सिधे कोनी।

रोमियां 2:1

ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

2 कुरिन्थियां 5:18

ते सारीया बाता नरीकारा चे तरफु छी, जेह्णे मसीह चे जरिये आपणे लारे अम्चा मेल-मिलाप करती गेला, ते मेल-मिलाप ची सेवा अम्हानु सोंपती ङिली।

2 तीमुथियुस 2:21

अगर कुई आपणे आप नु बुराईया कनु शोद्ध करी, ते ऊं कद्दर चे ठां, ते पवित्र बणले रिही, ते मालिका चे कामे आवी, ते हर भले कामा चे वास्ते तियार हुवी।

2 पतरस 1:9

कांकि जाये मां ये बाता कोनी, ओ अन्धा छै, ते धुंधले ङेखे, ओ आपणे भांसले पापा कनु धुपती कर शोद्ध हुवणे भूलती गेला।