लूका 5:29 - ओङ राजपूत

²⁹ तब लेवी ने आपणे घरा मां ओचे वास्ते हेक बङी मेहमानी करली, ते चुंगी गेहणे आला ची ते नेरा लौका ची जको ओचे लारे खाणा खऊं ब़ेहले हुते, हेक बङी भीड़ हुती।

लूका 5:29 ပူးပေါင်းရင်းမြစ်များ

मत्ती 11:19

मैं इन्साना चा पूत, खाता-पीता आला, ते वे किही ‘ङेखा पेटु ते पियक्‍कड़ बन्दे, ते चुंगी गेहणे आला चा ते पापीया चा मित्र छै।’ पर नरीकारा चा ज्ञान आपणे कामा लारे सच्‍चा ठहराला गेला।”

मत्ती 5:46

कांकि अगर तम्ही आपणे प्रेम राखणे आला लारे ही प्रेम राखा, तां तम्चे वास्ते का फल हुवी? का चुंगी गेहणे आले वी इसड़े ही ना करी?

मत्ती 9:10

जब ओ घरा मां खाणा खाणे वास्ते ब़ेहला तां ब़ोहत से चुंगी गेहणे आले ते पापी आती कर ईशु ते ओचे चैला लारे खऊं ब़ेहले।

मत्ती 9:9

उठु उग़ते बधती कर ईशु ने मत्ती नांवा चे हेक बन्दे नु चुंगी गेहणे आले चौकी उपर ब़ेहले ङेखले, ते ओनु केहले, “माये भांसु आती जा।” ओ उठती कर ओचे भांसु टुरती पला।

मरकुस 2:15

जब ओ ओचे घरा मां खाणा खाणे वास्ते ब़ेहला, तब ब़ोहत से चुंगी गेहणे आले ते पापी, ईशु ते ओचे चैला लारे खाणा खाणे वास्ते ब़ेहले, कांकि वे ब़ोहत से हुते, ते ईशु चे भांसु चाह्‍ले आलते।

लूका 15:1

सारे चुंगी गेहणे आले ते पापी ईशु चे गोढु आते रेहते ताकि ओचीया सुणो।

यूहन्‍ना 12:2

ओठे ईशु वास्ते वाणे खाणे तियार करले। मारथा ने ओनु घालती ङिले, ईशु चे लारे जको खाणे खई ब़ेहले हुते लाजर वी वांचे मां हेक हुता।

1 कुरिन्थियां 10:27

अगर अविश्‍वासीया महु कुई तम्हानु छेड़ा ङियो, उठे तम्ही जाणे चाहवा, तां जको कोच्छ तम्चे सामणे मेहले जाओ ऊंही खावा ते विवेक ची वजह कनु कहीं ना पूछा।