लूका 4:34 - ओङ राजपूत

³⁴ “हे ईशु नासरी, अम्हानु दुधे लारे का काम ? का तु अम्हानु नाश करु आला? मैं तनु जाणे, तु कूण छी, तु नरीकारा चे पवित्र इन्सान छी!”

लूका 4:34 ပူးပေါင်းရင်းမြစ်များ

मत्ती 8:29

वाणे रौल मचाती कर केहले, “हे नरीकारा चा पूत, अम्चे दुधे कनु का काम? का तु समय कनु पेहले अम्हानु ङोख ङिऊं इठे आती गेला?”

मरकुस 1:24

ओणे रौल मचाला ते केहले, “हे ईशु नासरी, अम्हानु दुधे लारे का काम ? का तु अम्हानु नाश करु आला? मैं तनु जाणे, तु कूण छी, तु नरीकारा चे पवित्र इन्सान छी!”

मरकुस 1:34

ईशु ने घणा नु जको हर-प्रकार ची बिमारी कनु ङुखी हुते, ठीक करले, घणीया सारीया दुष्टात्मा नु काढ़ले, ते दुष्टात्मा नु ब़ोलु कोनी ङिले, कांकि वे ईशु नु पिछाणतीया।

मरकुस 5:7

ते ऊंची अवाजी मां रौल मचाती कर केहले, “हे ईशु, परम-प्रधान नरीकारा चा पूत, मनु दुधे कनु का काम ? मैं तनु नरीकार ची कसम ङिये कि मनु ङोख ना ङे।”

लूका 1:35

स्वर्ग़दूता ने विनु उत्तर ङिला, “पवित्र आत्मा दुधे उपर उतरी ते परमप्रधान ची सामर्थ दुधे उपर छां करी ऐवास्ते ऊं पवित्र जको पैदा हुवणे आले छै, नरीकारा चा पूत किहवावी।

लूका 4:33

वांचे प्राथनाघरा मां हेक इन्सान हुते, जाये मां हेक अशुद्ध आत्मा हुती। ओणे रौल मचाला,

लूका 4:41

ते दुष्टात्मा वी चीकतीया ते हा केहतीया हुलीया कि, “तु नरीकारा चा पूत छी,” घणा महु निकलती गेलीया। पर ईशु वानु धमकाता ते ब़ोलु ना ङिता, कांकि वे जाणतीया कि ओ मसीह छै।

लूका 8:28

ओह ईशु नु ङेखती कर रौल मचाला, ते ओचे सामणे ढेती कर ऊंचे अवाजी लारे केहले, “हे परम-प्रधान नरीकारा चा पूत ईशु! मनु दुधे लारे का काम? मैं दुधे कनु बिनती करे पला, मनु ङोख ना ङे।”

लूका 8:37

बल्ति गिरासेनिया चे आस-पास चे सब लौका ने ईशु कनु बिनती करली कि अम्चे इठु चाह्‍ला जा, कांकि वांचे उपर बङा ङर पड़ती गेलता। तां ओह ब़ेड़ी उपर चढ़ती कर पुठा चाह्‍ला गेला।

प्रेरितां चे काम 16:39

ते वे आप खौद्द आती कर पौलुस ते सीलास नु माफी मांगली, ते कैदखाने कनु ब़ाहरु काढ़ती कर वांचे कनु विनती करली कि, शहरा कनु चाह्‍ले जावा।

प्रेरितां चे काम 2:27

कांकि तु माये प्राणा नु अधोलोक मां नी छोड़े। ते ना ही आपणे पवित्र जणा नु सड़ु ङिये।

प्रेरितां चे काम 3:14

तम्ही ओ पवित्र ते धर्मी बन्दे चा इन्कार करला, ते चाह्‍ले कि हेक हत्यारे नु तम्चे वास्ते छोड़ती ङिले जाओ।

प्रेरितां चे काम 4:27

कांकि सच्‍चमां दुधे पवित्र सेवक ईशु चे विरोध मां, जानु तु अभिषेक करला, हेरोदेस ते पुन्तियुस पिलातुस वी नेरीया जातिया ते इस्राएली चे लारे ऐ शहरा मां भेले हुले,

इब्रानियां 2:14

ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

याकूब 2:19

तनु विश्‍वास छै कि हेक ही नरीकार छै। तु आच्छे करी। दुष्टात्मा वी विश्‍वास राखी, ते कांपतीया रिही।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

प्रकाशितवाक्य 20:2

ते ओणे ओ अजगर नु, यानिकि पुराणे नाग़ा नु, जको इबलीस ते शैतान छै, पकड़ती कर हजार साला चे वास्ते संगला लारे ब़ांथी नाखले।

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,