लूका 4:18 - ओङ राजपूत

¹⁸ “प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।

लूका 4:18 ပူးပေါင်းရင်းမြစ်များ

मत्ती 11:5

कि अन्धे ङेखी ते लंगड़े टुरी-फिरी, ते कोहड़ी शोद्ध करले जई, ते बेहरे सुणी, ते मुड़दे जीते करले जई ते कंगाला नु सुसमाचार सुणाला जाये।

मत्ती 12:18

“ङेखा, हा माया सेवक छै, जानु मैं चुणले। हा माया प्यारा छै, जाये कनु माये मन खौश छै। मैं आपणी आत्मा ओचे मां नाखी, ते ओ सारीया जातिया नु, न्यां चा समाचार ङी।

मत्ती 12:20

ते ओ झुकले आले कान्‍नै नु नी भानी, ओ धूंआ ङिते हुले ङीवे नु नी ब़िझावी, ओ भिला रिही, ओ बेले तक जब तक न्यां ची जीत ना हुती जाओ।

मत्ती 4:16

जको लौक अन्धारे मां जई पलते वाणे हेक बङे सोज़ले ङेखले। ते जको लौक मौत कनु ङरती कर जीवी पलते, वांचे उपर, बङे सोज़ले पड़ले।”

मत्ती 5:3

“धन्‍न छी वे, जको मना चे दीन छी, कांकि स्वर्ग़ा चा राज़ वांचा छै।

लूका 4:17

यशायाह भविष्यवक्‍ता ची किताब ओनु ङिली गेली, ते ओणे किताब नु खोलती कर वा जग़हा काढ़ली जिठे लिखले पलते,

लूका 6:20

तब ओणे आपणे चैला ची तरफ ङेखती कर केहले, “धन्‍न छिवा तम्ही जको दीन छिवा, कांकि नरीकारा चा राज़ तम्चा छै।

लूका 7:22

ते ओणे वानु केहले, “जको कोच्छ तम्ही ङेखले ते सुणले छै, जती कर यूहन्‍ना नु केहती ङिया कि अन्धे ङेखी, लंगड़े टुरी-फिरी। कोहड़ी शोद्ध करले जई, बेहरे सुणी, मुड़दे जीते करले जई, ते कंगाला नु सुसमाचार सुणाला जाये।

यूहन्‍ना 1:41

ओणे पेहले आपणे सक्‍के भऊ शमौन लारे मिलती कर ओनु केहले, “अम्हानु मसीह मिलती गेला”। (मसीह मतलब नरीकारा चा चुणला आला)।

यूहन्‍ना 12:46

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

यूहन्‍ना 3:34

कांकि जानु नरीकार ने भेज़ले ओह नरीकारा चीया बाता किहे, कांकि नरीकार आत्मा नापती कर ना ङी।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 4:26

प्रभु ते ओचे मसीह चे विरोध मां धरती चे सारे राजे भिले रेहती गेले, ते सारे हाकिम भेले हुती गेले।’

प्रेरितां चे काम 4:27

कांकि सच्‍चमां दुधे पवित्र सेवक ईशु चे विरोध मां, जानु तु अभिषेक करला, हेरोदेस ते पुन्तियुस पिलातुस वी नेरीया जातिया ते इस्राएली चे लारे ऐ शहरा मां भेले हुले,

कुलुस्सियां 1:13

नरीकारा ने ही अम्हानु अन्धारे चे वशा महु छुड़ाती कर आपणे प्यारे पूता चे राज़ मां दाखिल करवाले।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,