लूका 22:19 - ओङ राजपूत

¹⁹ बल्ति ईशु ने रोटी चली, ते धन्यवाद करती भांली, ते ईं केहते हुले वानु ङिली, “हा माई देह छै जको तम्चे वास्ते ङिली जाये, माई याद मां यूंही करले करा।”

लूका 22:19 ပူးပေါင်းရင်းမြစ်များ

मत्ती 14:19

बल्ति ओणे लौका नु खड़ा उपर ब़ेसणे वास्ते केहले, ते वां पाँच रोटीया ते ङोन माछलीया नु चले, ते स्वर्ग़ा सनु ङेखती कर नरीकारा चा धन्यवाद करला, ते रोटीया भान्ती-भान्ती कर चैला नु ङिलीया, ते चैला ने लौका नु।

मत्ती 15:36

ते वे सात रोटीया ते माछलीया नु चले, ते नरीकारा चा धन्यवाद करती कर भांलीया, ते आपणे चैला नु ङिता गेला, ते चैले लौका नु

लूका 22:17

बल्ति ईशु ने मुंगर चती कर धन्यवाद ङिला ते केहले, “ऐनू गिहा ते आपस मां बांटती गिहा।

लूका 22:20

यूं करती खाणे चे बाद मुंगर वी चला ते केहले, “हा मुंगर माये ओ लुहींया मां जको तम्चे वास्ते बाहले जाये नवीं वाचा छै।

लूका 24:30

जिसे बेले ओ वांचे लारे खाणे खऊं ब़ेहला, ते ओणे रोटी चती कर धन्यवाद करला, ते विनु भान्ती कर वानु ङिऊं लाग़ला।

यूहन्‍ना 6:23

तिबिरियास शहरा चा कोच्छ ब़ेड़ीया वे जग़हा उपर आती कर रुकलीया, जिठे प्रभु ने धन्यवाद करती कर वानु रोटी खाणे वास्ते ङिलीया हुतीया।

यूहन्‍ना 6:51

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

1 कुरिन्थियां 10:16

ओ धन्यवाद चा मुंगर, जानु अम्ही धन्यवाद करु का ओ मसीह चे लुहींया मां अम्ची भईवाली कोनी? वा रोटी, जको अम्ही आपस मां भान्ती कर बांटु का मसीह चे शरीरा मां अम्ची भईवाली कोनी?

1 कुरिन्थियां 10:4

ते सारा ने हेक ही आत्मिक जल पीला, कांकि सारे वे आत्मिक चट्टानी महु पीते, जको वांचे लारे-लारे चलती रेहते, ते वा चट्टान मसीह हुता।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 4:25

हाजिरा मनाकि वा अरब देश चा सीनै पहाड़ छै, जको आज़ चा यरुशलेम शहर विचे आलीकर छै, कांकि वा आपणे ब़ाला लारे गुलामी मां छै।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

1 थिस्सलुनीकियां 5:18

हर हेक बाते मां धन्यवाद करा, कांकि तम्चे वास्ते मसीह ईशु मां नरीकारा ची हाओ मर्जी छै।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।