लूका 18:7 - ओङ राजपूत

⁷ ऐवास्ते का नरीकार आपणे चुणले आला चा सच्‍चा न्यां नी चुकावी, जको रात-ङिओ ओची दुहाई ङिते रिहे? का ओ वांचे बारे मां देर करी?

लूका 18:7 ပူးပေါင်းရင်းမြစ်များ

मत्ती 24:22

अगर वां ङिहां नु घटाले ना जईया, तां कुई प्राणी ना बचीया, पर चुणले आला ची वजह वां ङिहां नु घटाले जई।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 7:11

तां जब तम्ही बुरे हुती कर, आपणे ब़ाला नु आच्छीया चीजा ङिते जाणा, तां तम्चा स्वर्ग़ीय ब़ा नरीकार आपणे मांगणे आला नु आच्छीया चीजा कां नी ङिही?

लूका 11:13

तां जब तम्ही बुरे हुती कर, आपणे ब़ाला नु आच्छीया चीजा ङिते जाणा, तां तम्चा स्वर्ग़ीय ब़ा नरीकार आपणे मांगणे आला नु पवित्र आत्मा कां नी ङिही?”

लूका 2:37

पर हमा वा बांढी चोरासी साला ची हुती, ते मन्दरा नु ना छोड़ती, पर उपवास ते प्राथना करती करती कर रात-ङिओ उपासना करती रेहती।

लूका 21:28

जिसे बेले ये बाता हुं लाग़े, ते सिधे हुती कर आपणे ठोङ उपर चती कर ङेखजा, कांकि तम्चा छुटकारा गोढु हुवी।”

रोमियां 8:33

नरीकारा चे चुणला आला उपर दोष कूण लावी? नरीकार ही छै जको वानु धर्मी ठहराणे आला छै।

कुलुस्सियां 3:12

ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

1 थिस्सलुनीकियां 3:10

अम्ही रात-ङिओ ब़ोहत ही प्राथना करते रिहुं, कि तम्चे मुँह बल्ति ङेखु, ते तम्चे विश्‍वास ची कमी पुरी करु।

2 थिस्सलुनीकियां 1:6

कांकि नरीकारा चे गोढु हा न्यां छै, कि जको तम्हानु क्लेश ङिये, वानु बदले मां क्लेश ङियो।

1 तीमुथियुस 5:5

जको सच्‍चमां बांढी छै, ते विचे कुई कोनी, वा नरीकारा उपर आस राखे, ते रात-ङिओ बिनती करती ते प्राथना मां मगन रिहे।

2 तीमुथियुस 1:3

जिसे नरीकारा ची सेवा मैं आपणे ङाङा-ब़ा ची रीति उपर शोद्ध विवेक लारे करे पला, ओचा धन्यवाद हो कि आपणी प्राथना मां तनु लगातार याद करता रिहे।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

1 पतरस 1:1

हा चिठ्ठी पतरस ची ओर कनु, जको ईशु मसीह चा प्रेरित छै, नरीकारा चे वां प्रदेसीया चे नांवे, जको पुन्तुस, गलातिया, कप्पदूकिया, एशिया ते बिथुनिया चे इलाके मां खिंडती-पुंडती रिही।

2 पतरस 3:9

प्रभु आपणे वायदे चे बारे मां देर ना करी जिसड़ी देर कोच्छ लौक समझे पर तम्चे बारे मां तसल्‍ली करे, ते ना चाहवी कि कुई नाश हो बल्कि ईं कि सब नु मन फिरावणे चा मौका मिलो।

प्रकाशितवाक्य 18:20

हे स्वर्ग़, ते हे पवित्र बन्दी, ते प्रेरित, ते भविष्यवक्‍ता, ओचे उपर आनन्द करा, कांकि नरीकारा ने न्यां करती कर तम्चा पलटा गेला।”

प्रकाशितवाक्य 6:10

वाणे बङी अवाजी लारे साङ मारती कर केहले, हे मालिक, “हे पवित्र, ते सच्‍चा प्रभु, तु कब तक न्यां नी करे ते धरती चे रेहणे आला कनु अम्चे लुहींया चा बदला कब तक नी गिहे?”

प्रकाशितवाक्य 7:15

येही वजह कनु वे नरीकारा चे सिंहासना चे सामणे छी ते ओचे मन्दरा मां रात-ङिओ ओची सेवा करी ते जको सिंहासना उपर ब़ेहला ओ वांचे उपर आपणा तम्बू तांणी।