लूका 18:13 - ओङ राजपूत

¹³ “पर चुंगी गेहणे आले ने दूर खड़े हुती कर, स्वर्ग़ा सनु आंखी चवणीया वी ना चाहलीया, बल्कि आपणी छात्ती कोटती-कोटती कर केहले, ‘हे नरीकार, मैं पापी छै, माये उपर दया कर।’

लूका 18:13 ပူးပေါင်းရင်းမြစ်များ

मत्ती 10:3

फिलिप्पुस, ते बरतुल्मै, थोमा, ते चुंगी गेहणे आला मत्ती, हलफई चा पूत याकूब ते तद्दै,

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

मत्ती 9:13

ऐवास्ते तम्ही जती कर ऐचा मतलब सिखती गिहा, ‘मैं बलिदान ना, पर दया चाहवें,’ कांकि मैं धर्मीया नु ना, पर पापीया नु हकारु आला।”

मरकुस 11:25

ते जिसे बेले तम्ही प्राथना करने वास्ते खड़े हुवा, तां अगर तम्चे मना मां काये दारक कोच्छ विरोध हो, तां माफ करा, ऐवास्ते कि तम्चा स्वर्ग़ीय ब़ा वी तम्चे अपराधा नु माफ करो।

लूका 17:12

ते कुई गांवा मां घिरते बेले ईशु नु दूर भिले ङस कोहड़ी मिले।

लूका 22:41

ते ईशु आप वाकनु अलग़ हेक भेक्‍क भुकावणे ची दूरी उपर गेला, ते गोङे टेकती कर प्राथना करु लाग़ला,

लूका 23:48

ते भीड़ जको ईं ङेखणे वास्ते भेली हुली हुती, ये घटना नु ङेखती कर छात्ती कोटती हुली पुठी मुड़ती गेली।

लूका 5:8

ईं ङेखती कर शमौन पतरस ईशु चे पग़्ग़ा मां ढेती कर केहले, “हे प्रभु, माये कनु जा, मैं पापी बन्दे छै।”

प्रेरितां चे काम 2:37

बल्ति सुणने आला चे मना नु ठेस लाग़ली, ते वे पतरस ते नेरा प्रेरितां कनु पूछु लाग़ले कि, “हे भऊ, अम्ही का करु?”

रोमियां 5:8

पर नरीकार अम्चे उपर आपणे प्रेम ची भलाई ये रीति लारे प्रकट करे, कि जिसे बेले अम्ही पापी ही हुते, ओही बेले मसीह अम्चे वास्ते मरणे वास्ते भेज़ला गेला।

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

1 तीमुथियुस 1:15

हा बात सच्‍च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।

इब्रानियां 4:16

ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

इब्रानियां 8:12

कांकि मैं वांचे अधर्म चे बारे मां दयावन्त हुवीं, ते वांचे पापा नु बल्ति याद नी करी।”