लूका 18:12 - ओङ राजपूत

¹² मैं हफ्ते मां ङोन वारी उपवास राखे, मैं आपणी कमाई चा ङसवां हेंस्सा वी ङिये।’

लूका 18:12 ပူးပေါင်းရင်းမြစ်များ

मत्ती 5:20

कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।

मत्ती 6:1

“चौकस रिहा! तम्ही बन्दा नु ङिखाणने वास्ते आपणे धर्मा चे काम ना करा, ना तां आपणे स्वर्ग़ीय ब़ा कनु कोच्छ वी फल नी पा सग़ा।

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

मत्ती 9:14

बल्ति यूहन्‍ना चे चैला ने ओचे गोढु आती कर केहले, “का वजह छै कि अम्ही ते फरीसी इतना उपवास राखु, पर दुधे चैले उपवास ना राखी?”

लूका 11:42

“पर हे फरीसी, तम्चे उपर हाय! तम्ही फूदने ते सौंफ चा, ते सब तरह चे साग़-भाज़ी चा ङसवां हेंस्सा ङिया, पर न्यां नु ते नरीकारा चे प्रेम नु टालती ङिया, चाही तां हुते कि याहनु वी करते रिहा ते वानु वी ना छोड़ा हा।

लूका 17:10

ऐस रीति लारे तम्ही वी जब वां सब कामा नु करती चुका जाई तम्हानु आज्ञा ङिली गेलती, तां किहा, ‘अम्ही साधारण दास छिऊं, कि जको अम्हानु करने चाही हुते ऊंही करले।’ ”

रोमियां 3:27

तां घमण्ड करने किठे रेहले? ओची तां जग़हा ही कोनी। किसी व्यवस्था ची वजह लारे? का कर्मा ची व्यवस्था लारे? ना, बल्कि विश्‍वास ची व्यवस्था चे वजह।

1 कुरिन्थियां 1:29

कि कुई वी इन्सान नरीकारा चे सामणे घमण्ड ना कर सग़ो।

गलातियां 1:14

आपणे घणे जाति आला नु जको माये उम्री चे हुते, यहूदी पन्था मां ज्यादा बधाता ते आपणे ङाङा-ब़ा ची रिति-रिवाजा वास्ते मैं घणा ही होंसला बढाता।

इफिसियां 2:9

ते ऐवास्ते तम्ही आपणे कर्मा ची वजह कनु कुई घमण्ड ना करो।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।