लूका 18:11 - ओङ राजपूत

¹¹ फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

लूका 18:11 ပူးပေါင်းရင်းမြစ်များ

मत्ती 10:3

फिलिप्पुस, ते बरतुल्मै, थोमा, ते चुंगी गेहणे आला मत्ती, हलफई चा पूत याकूब ते तद्दै,

मत्ती 5:20

कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

मरकुस 11:25

ते जिसे बेले तम्ही प्राथना करने वास्ते खड़े हुवा, तां अगर तम्चे मना मां काये दारक कोच्छ विरोध हो, तां माफ करा, ऐवास्ते कि तम्चा स्वर्ग़ीय ब़ा वी तम्चे अपराधा नु माफ करो।

लूका 20:47

वे बांढीया चे घर खाती जई, ते ङिखाणने वास्ते बङी देर तक प्राथना करते रिही, ये ब़ोहत ङण्ड भोग़े।”

लूका 22:41

ते ईशु आप वाकनु अलग़ हेक भेक्‍क भुकावणे ची दूरी उपर गेला, ते गोङे टेकती कर प्राथना करु लाग़ला,

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

फिलिप्पियां 3:6

जोश चे बारे अगर किहा तां कलीसिया नु सतावणे आला, ते व्यवस्था ची धार्मिकता चे बारे अगर किहा तां मैं निर्दोष हुता।

प्रकाशितवाक्य 3:17

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।