लूका 17:25 - ओङ राजपूत

²⁵ पर पेहले जरुरी छै, कि मैं ब़ोहत ङोख चवे, ते ऐ युगा चे लौक मनु ठुकराती नाखो।

लूका 17:25 ပူးပေါင်းရင်းမြစ်များ

मत्ती 16:21

ओ समय कनु ईशु आपणे चैला नु बावड़ु लाग़ला, “जरुरी छै कि मैं यरुशलेम नु जाये, ते बङके, ते प्रधान याजका, ते शास्त्री मनु ब़ोहत ङोख ङियो ते मारती नाखो, ते तीजे ङिओ जीता हुती जाये।”

मत्ती 21:42

ईशु ने वानु केहले, “का तम्ही कङी पवित्रशास्त्र मां हा कोनी पढ़ले, “ ‘जिसे पत्थरा नु राजमिस्त्रीया ने निक्‍कमे ठहराले हुते, ओही कूणे चा सिरे चा पत्थर हुती गेला, ईं प्रभु ची ओर कनु हुले ते अम्ची नजरी मां अदभोत छै’?

मरकुस 10:33

“ङेखा, अम्ही यरुशलेम नु जऊं पले, ते मैं इन्साना चा पूत प्रधान याजका ते शास्त्रीया चे हाथा मां पकड़वाला जई, ते वे ओनु मारणे चे लायक ठहरावे, ते नेरीया जातिया चे हाथा मां सोंपे।

मरकुस 12:10

का तम्ही पवित्रशास्त्र मां हा वचन कोनी पढ़ला, “जिसे पत्थरा नु राजमिस्त्रीया ने निक्‍कमे ठहराले हुते, ओही कूणे चा सिरा हुती गेला।”

मरकुस 8:31

बल्ति ओ वानु सिखाऊं लाग़ला कि, “मैं इन्साना चे पूता चे वास्ते जरुरी छै कि ओ ब़ोहत ङोख चाओ, ते बङके ते प्रधान याजक, ते शास्त्री ओनु, तोच्छ समझती कर मारती नाखो, ते ओ तीजे ङिओ जीता हुती जाओ।”

मरकुस 9:31

कांकि ओ आपणे चैला नु शिक्षा ङिये पलता, ओणे वानु केहले, “मैं इन्साना चा पूत, बन्दा चे हाथा मां पकड़वाला जई, ते वे ओनु मारती नाखे। ते ओ मरणे चे तीन ङिहां चे बाद जीता हुती जई।”

लूका 18:31

बल्ति ओणे ब़ारहा नु लारे गेहती कर वानु केहले, “ङेखा, अम्ही यरुशलेम नु जऊं पले, ते जितनीया बाता मैं इन्साना चे पूता चे वास्ते भविष्यवक्‍ता चे जरिये लिखलीया गेलीया, वे सब पुरीया हुवे।

लूका 18:33

ते ओनु कोड़े मारे, ते मारती नाखे, ते ओ तीजे ङिओ जीता हुती जई।”

लूका 24:46

ते वानु केहले, “यूं लिखले आले छै, कि मसीह ङोख चवी, ते तीजे ङिओ मरला आला महु जीता हुती जई।

लूका 9:22

बल्ति ओणे केहले, “मैं इन्साना चे पूता चे वास्ते जरुरी छै कि ओ ब़ोहत ङोख चाओ, ते बङके ते प्रधान याजक ते शास्त्री ओनु तोच्छ समझती कर मारती नाखो, ते ओ तीजे ङिओ जीता हुती जाओ।”

यूहन्‍ना 1:11

ओ आपणे घरे आला, ते ओचे आपणा ने ओनु ग्रहण कोनी करले।

यूहन्‍ना 12:38

कि यशायाह भविष्यवक्‍ता चा वचन पूरा हो जको ओणे केहले, “हे प्रभु, केहणे अम्चे समाचारा उपर विश्‍वास करला? ते प्रभु ची ताकत काये उपर उजागर हुली?”