लूका 16:2 - ओङ राजपूत

² शाहुकारा ने मुनीम नु हकारती कर केहले, ‘ईं का छै जको मैं दुधे बारे मां सुणे पला? आपणे मुनीमगिरी चा लेखा ङे, कांकि तु उग़ते कनु मुनीम ना रेह सग़ी।’

लूका 16:2 ပူးပေါင်းရင်းမြစ်များ

मत्ती 12:36

“कांकि मैं तम्हानु बावड़े पला, कि न्यां चे ङिओ हर हेक बन्दे नु जको ओणे आपणे मुँहा लारे बुराई चा बाता केहलीया, वांचीया सारीया चा हिसाब ङेणा पड़ी।

मत्ती 20:8

“आथणा चे अंगूरा ची बाड़ी चे मालिका ने आपणे मुनीम नु केहले, ‘मजदूरा नु हकारती कर पिछला कनु लाती आग़ला तक वानु मजदूरी ङिती ङे।’

लूका 12:20

पर नरीकारा ने ओनु केहले, ‘हे बावला, आज़ राती नु दुधी जान दुधे महु काढ़ली जई, तां जको कहीं तु भेले करले, ऊं काये हुवी?’

लूका 12:42

प्रभु ने केहले, “ओ भरोसेमन्द ते ब़ुध्दिमान भण्डारी कूण छै, जाया मालिक ओनु नौकरा चाकरा उपर सरदार बणाओ कि समय उपर वानु खाणे चा समान ङियो?

लूका 16:1

बल्ति ईशु ने चैला नु वी केहले, “कुई शाहुकारा चा हेक मुनीम हुता, ते लौका ने ओचे सामणे ओचे उपर हा अरोप लाला कि हा सारी जायजात उङारली जाये।

लूका 16:3

बल्ति मुनीम सोचु लाग़ला, ‘हमा मैं का करे? कांकि माया मालिक हमा मुनीमगिरी चे काम माये कनु खोसे पला। माटी तां माये कनु पटीजी ना, ते भीख मांगणे मां मनु शर्म आवे।

रोमियां 14:12

ते बल्ति, अम्चे महु हर-हेक नरीकारा नु आपणा-आपणा लेखा जोखा ङिही।

1 कुरिन्थियां 1:11

कांकि हे माये भऊ, खलोए चे घराणे चे कोच्छ लौका ने मनु तम्चे बारे बावड़ले कि तम्चे मां झग़ड़े हुवी पले।

1 कुरिन्थियां 4:2

भण्डारी नु विश्‍वासयोग हुवणे जरुरी छै।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

1 तीमुथियुस 4:14

ओ आत्मिक वरदाना लारे जको दुधे कनु छै, ओनु कामा मां गेहते जको भविष्यवाणी लारे अग़ुवा चे हाथ मेहलणे चे समय उपर तनु मिड़ला हुता।

1 तीमुथियुस 5:24

कोच्छ बन्दा चे पाप प्रकट हुती जई, ते न्यां चे वास्ते पेहले कनु पुज़ती जई, पर ङुजा चे तां भांसु कनु आवी।

1 पतरस 4:10

जानु जको वरदान मिड़ला आला छै, ऊं वानु नरीकारा चे हर-तरहा चे अनुग्रह चे भले भण्डारी आलीकर हेके ङुजे ची सेवा मां लाओ।

1 पतरस 4:5

पर वे ओनु जको जीता चा ते मरले आला चा न्यां करने वास्ते तियार छै, लेखा ङिये।

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।