लूका 16:15 - ओङ राजपूत

¹⁵ ईशु ने वानु केहले, “तम्ही तां लौका चे सामणे आपणे आप नु धर्मी बणावा, पर नरीकार तां तम्चे मना नु जाणे, कांकि जको चीजा लौका चे नजरी मां महान छी, वे नरीकारा चे नजरी मां नफरत चा छी।

लूका 16:15 ပူးပေါင်းရင်းမြစ်များ

मत्ती 23:5

वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो!

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:2

“ऐवास्ते जिसे बेले तु गरीबा नु दान करी, तां आपणे आग़ु तूती ना बजवा, जिंवे कप्पटी, प्राथनाघरा मां ते गलीया मां करी, ताकि लौक वांची बढ़ाई करी मैं तम्हानु सच्‍च किहे कि वे आपणा प्रतिफल पाती चुकले।

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

लूका 10:29

पर ओणे आपणे आप नु धर्मी ठहराणे ची इच्छा लारे ईशु कनु पूछले, “तां माया पड़ोसी कूण छै?”

लूका 11:39

प्रभु ने ओनु केहले, “हे फरीसी, तम्ही मुंगर ते थाली नु उपर-उपर कनु तां मांझा, पर तम्चे भीतर अन्धेर ते दुष्टता भरली पली।

लूका 18:11

फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

लूका 18:14

“मैं तम्हानु किहे पला कि ओ ङुजा कोनी, पर ऊंही इन्सान धर्मी ठहराले गेलते आपणे घरे गेले, कांकि जको कुई आपणे आप नु बङे बणावी, ऊं छोटे करले जई, ते जको आपणे आप नु छोटे बणावी, ऊं बङे करले जई।”

लूका 18:21

ओणे केहले, “यां सब नु मैं बचपन कनु मनता आला।”

लूका 18:9

ते ईशु ने कितना नु जको आपणे उपर भरोसा राखते कि अम्ही धर्मी छिऊं, ते नेरा नु तोच्छ जाणते, हा मिसाल ङिली,

लूका 20:20

ते वे ओची ताक मां लाग़ले ते भेती भेज़ले कि धर्मा चा भेष धारतीकर ओची कुई ना कुई बात पकड़ो, ताकि ओनु हाकिम चे हाथे ते अधिकार मां सोंपती ङियो।

लूका 20:47

वे बांढीया चे घर खाती जई, ते ङिखाणने वास्ते बङी देर तक प्राथना करते रिही, ये ब़ोहत ङण्ड भोग़े।”

यूहन्‍ना 2:25

ओनु ये बाते ची जरुरत कोनी हुती, कि कुई आती कर ओनु लौका चे बारे मां बावड़ो, कांकि लौका चे मना मां का छै, ओ ये बाते नु जाणता।

यूहन्‍ना 21:17

ओणे तीजी वारी ओनु केहले, “हे शमौन यूहन्‍ना चा पूत, का तु माये लारे प्रीत राखी?” पतरस उदास हुला कि ओणे तीजी वारी इसड़े केहले कि, “का तु माये लारे प्रीत राखी?” तां पतरस ने केहले, “हे प्रभु, तु तां सब कोच्छ जाणी, तु ईं जाणी कि मैं दुधे लारे प्रीत राखे।” ईशु ने ओनु केहले, “माया भेङा नु चर्रा।

प्रेरितां चे काम 1:18

यहूदा ची अधर्म ची कमाई लारे ओ खेत मोल गेहला जिठे ओणे फांसी खाली हुती, ते ठोङा चे भराणे ढेला ते ओचे ढेड्ड फड़ीले गेले ते ओचीया सारीया आंतरा ब़ाहर आती पलीया।

प्रेरितां चे काम 1:24

ते हा केहती कर प्राथना करली, “हे प्रभु, तु जको सारा चे मना नु जाणी, ईं उजागर कर कि जा ङुंहु महु तु कानु चुणले।

प्रेरितां चे काम 15:8

ते मना नु परखणे आले नरीकारा ने वानु वी अम्चे आलीकर पवित्र आत्मा ङिती कर ऐची ग़वाही ङिली।

रोमियां 3:20

व्यवस्था चे कामा लारे कुई वी इन्सान नरीकारा चे सामणे धर्मी ना ठहरी, कांकि सेर्फ व्यवस्था चे जरिये पापा ची पिछाण हुवे।

रोमियां 8:27

ते मना नु परखणे आला ईं जाणे कि, पवित्र आत्मा ची मनसा का छै। कांकि ओ पवित्र लौका वास्ते नरीकारा ची इच्छा चे अनुसार बिनती करे।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।

1 पतरस 5:5

यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि, “नरीकार घमण्डीया चा विरोध करे, पर दीन-दयाला उपर अनुग्रह करे।”

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।