लूका 15:6 - ओङ राजपूत

⁶ ते घरे आती कर सज़्ज़णा ते पड़ोसीया नु भेले करती कर किहे, ‘माये लारे खुशी मनावा, कांकि माई गार हुली आली भेङ लाभती गेली।’

लूका 15:6 ပူးပေါင်းရင်းမြစ်များ

लूका 1:58

ओचे पड़ोसी ते कुणम्बे ने हा सुणती कर कि विचे उपर प्रभु ची बङी दया हुली, ते वांचे लारे खुशीया मनालीया।

लूका 15:10

मैं तम्हानु किहे पला कि यूंही हेक मन फिरावणे आले पापी चे बारे मां नरीकारा चे स्वर्ग़दूता चे सामणे खुशी हुवे।”

लूका 15:24

कांकि माया हा पूत मरती गेलता, हमा जीता हुती गेला, गार हुती गेलता ओ लाभती गेला।’ ते बल्ति वे खुशीया मनाऊं लाग़ले।

लूका 15:5

ते जब लाभती जाओ, तब ओ बङी खुशी लारे विनु मुंढे उपर चती गिहे,

लूका 15:7

“मैं तम्हानु किहे पला कि यूंही करती कर हेक मन फिरावणे आले पापीया चे बारे मां वी स्वर्ग़ा मां इतनी ही खुशी हुवी, जितना कि वां निन्याणवे इसड़े धर्मीया चे बारे मां नी हुवी, जानु मन फिरावणे ची जरुरत कोनी।

यूहन्‍ना 15:14

जको कहीं आज्ञा मैं तम्हानु ङिये अगर ओनु तम्ही मना तां माये मित्र छिवा।

यूहन्‍ना 3:29

जाई बीन्दणी छै ओही बीन्द छै। पर बीन्दा चा मित्र जको भिला रेहती ओची सुणे, बीन्दा चीया बाता लारे ब़ोहत ही खौश हुवे। हमा हा माई खुशी पुरी हुली।

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 15:3

ऐवास्ते अन्ताकिया ची कलीसिया ने वानु थोड़ी दूर तक पुचाले, ते वे फीनीके ते सामरिया प्रदेसा महु हुते हुले, नेरीया जातिया नु मन फिरावणे चा सुसमाचार सुणाते गेले। ते ऐ समाचार लारे सारे भऊ घणे खौश हुले।

फिलिप्पियां 1:4

ते जिसे बेले कङी तम्चे सब वास्ते विनती करे, तां सदा खुशी लारे विनती करता रिहे।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

1 थिस्सलुनीकियां 2:19

भला अम्ची आस, जा खुशी जा बढ़ाई चा मुग़ट का छै? का अम्चा प्रभु ईशु चे सामणे ओचे आवणे चे समय तम्ही ही नी हुवा?

1 पतरस 2:10

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”

1 पतरस 2:25

कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।