लूका 14:13 - ओङ राजपूत

¹³ पर जब तु भोज़ करी, तां कंगाल, टुन्डे, लंगड़े, ते अन्धा नु हकार।

लूका 14:13 ပူးပေါင်းရင်းမြစ်များ

मत्ती 15:30

बल्ति हेक बङी भीड़ पे भीड़ ओचे गोढु आली, वे आपणे लारे, लंगड़ा नु, अन्धा नु, गूंगा नु, टुन्डा नु ते नेरे ब़ोहता नु ओचे गोढु आणले, ते वानु ओचे पग़्ग़ा उपर नाखती ङिले, ते ओणे वानु ठीक करले।

मत्ती 22:10

तां वां दासा ने सड़का उपर जती कर का बुरे, का भले, जितने मिड़ले, सारा नु भेले करले, ते बीहा आले घर मेहमाना लारे भरीती गेले।

लूका 11:41

पर हव्वे, भीतर आलीया चीजा दान करती ङिया, तां ङेखा, सब कोच्छ तम्चे वास्ते शोद्ध हुती जई।

लूका 14:12

बल्ति ओणे आपणे छेड़ा ङेणे आला नु वी केहले, “जब तु ङिहां चा जा राती चा भोज़ करी, तां आपणे सज़्ज़ण जा भऊ जा कुणम्बा जा अमीर पड़ोसीया नु ना हकार, कहीं इसड़े ना हो कि वे वी तनु छेड़ा ङियो, ते दुधा बदला हुती जाओ।

लूका 14:14

तब तु धन्‍न हुवे, कांकि वांचे कनु वापिस बदले मां ङेणे वास्ते कहीं कोनी हुवी, पर तनु धर्मीया चे लारे जीते हुवणे चा नरीकार तनु ऐचा फल ङिही।”

लूका 14:21

“ओ दासा ने आती कर आपणे मालका नु ये बाता केहती सुणालीया। बल्ति घरा चे मालका नु गुस्सा आला ते आपणे दासा नु केहले, ‘शहरा चे बजारा ते गलीया मां तुरन्त जती कर कंगाल, टुन्डे, लंगड़े, ते अन्धा नु इठे गेहती आवा।’

प्रेरितां चे काम 9:39

बल्ति पतरस ऊठती कर वांचे लारे हुती पला, ते जिसे बेले पुज़ती गेला, तां वे ओनु चौब़ारे उपर गेहती गेले। ते सारीया बांढीया रोतीया हुलीया ओचे लारे आती भिलीया रेहलीया ते जको चोले ते ओढ़णी दोरकास ने वांचे लारे रेहते हुले बणाले हुते, ङिखाणु लाग़लीया।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

फिलेमोन 1:7

कांकि हे माये भऊ, मनु दुधे प्रेम लारे बङा आनन्द ते शान्ति मिड़ली, ऐवास्ते कि दुधे जरिये नरीकारा चे पवित्र लौका चे देल हरे भरे हुती गेले।

इब्रानियां 13:2

अतिथि-सत्कार करने ना भूलजा, कांकि इसड़े करने लारे कोच्छ लौका ने अणजाणे मां स्वर्ग़दूता चा अतिथि-सत्कार करला।