लूका 13:16 - ओङ राजपूत

¹⁶ का ठीक कोनी हुते कि हा असतरी जको अब्राहम चे वंशा ची छै, जानु शैताना ने अठारा साला कनु ब़ांहती राखले, सब्त चे ङिओ ये बिमारी कनु छुड़ाली गेली?”

लूका 13:16 ပူးပေါင်းရင်းမြစ်များ

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

मरकुस 2:27

ईशु ने केहले, “सब्त चा ङिओ बन्दा चे वास्ते बणाला, ना कि बन्दे सब्त चे ङिओ वास्ते बणाले।

लूका 16:24

ते ओणे साङ मारती केहले, ‘हे ब़ा अब्राहम, माये उपर दया करती लाजर नु भेज़ती ङे कि आपणी आंगली पाणीया मां ब़ोड़ती माई जुबानी नु ठाडी करो, कांकि मैं ये ज्वाला मां तड़फे पला।’

लूका 19:9

बल्ति ईशु ने ओनु केहले, “आज़ ऐ घरा मां उद्धार आला, ऐवास्ते कि हा वी अब्राहम चा हेक पूत छै।

लूका 3:8

सो मन फिराव चे जोगा फल आणा, ते आपणे आपणे मना मां ईं ना सोचा, ‘अम्चा ब़ा अब्राहम छै,’ कांकि मैं तम्हानु किहे पला कि नरीकार यां पत्थरा महु अब्राहम वास्ते ऊलाद्ध पैदा कर सग़े।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

प्रेरितां चे काम 13:26

“हे माये भऊ, तम्ही जको अब्राहम ची ऊलाद्ध छिवा ते जको नरीकारा कनु ङरा, तम्चे गोढु हाओ उद्धार चा वचन भेज़ला गेला।

2 तीमुथियुस 2:26

ते ऐचे जरिये ओची इच्छा पुरी करने चे वास्ते सचेत हुती कर शैताना चे फन्दे कनु छुटती जाओ।