लूका 11:4 - ओङ राजपूत

⁴ ते अम्चे पापा नु माफ कर, कांकि अम्ही वी आपणे हर हेक अपराधीया नु माफ करु वी, ते अम्हानु परीक्षा मां ना आण।’ ”

लूका 11:4 ပူးပေါင်းရင်းမြစ်များ

मत्ती 18:35

“ऐह रीति लारे अगर तम्चे महु हर हेक आपणे भावां नु मना लारे माफ नी करी, ते माया ब़ा नरीकार जको स्वर्ग़ा मां छै तम्चे लारे वी इसड़े ही करी।”

मत्ती 26:41

जाग़ते रिहा, ते प्राथना करते रिहा कि तम्ही परीक्षा मां ना पड़ा। आत्मा तां तियार छै, पर शरीर कमजोर छै।”

लूका 11:5

बल्ति ईशु ने आपणा चैला नु केहले, “तम्चे महु कूण छै कि ओचा हेक मित्र हो, ते ओ आधी राती नु ओचे गोढु जती कर ओनु किहो, ‘हे मित्र, मनु तीन रोटीया ङे।

लूका 13:4

जा, का तम्ही समझा कि वे अठारा जणे जाये उपर शिलोह चा गुम्मट ढेला, ते तले वे दब़िती कर मरती गेले, यरुशलेम चे नेरे सब रेहणे आला महु ज्यादा गुनाहगार हुते?

लूका 22:46

ते वानु केहले, “कां नूहले पले? ऊठा, प्राथना करा कि तम्ही परीक्षा मां ना पड़ा।”

लूका 8:13

पत्थरीली भोंये उपर चे वे छी कि जिसे बेले वचन सुणी, तां खुशी लारे वचना नु मनती तां गिही, पर ज़हड़ ना पकड़ने लारे वे थोड़ी देरी तक विश्‍वास राखी ते परीक्षा चे समय बहकती जई।

यूहन्‍ना 17:15

मैं हा प्राथना ना करी कि तु वानु संसारा महु चती गे पर ईं कि तु वानु ओ दुष्ट कनु बचाली राख।

1 कुरिन्थियां 10:13

तम्ही कुई इसड़ी परीक्षा मां कोनी पड़ले, जको इन्साना चे सेहणे कनु ब़ाहर छै। ते नरीकार भरोसेमन्द छै ओ तम्हानु कुई इसड़ी परीक्षा मां नी पड़ु ङी, जको तम्चे सेहणे कनु पार हो। पर ओ परीक्षा चे लारे उपा वी करी कि तम्ही मजबूत रेह सग़ा।

कुलुस्सियां 3:13

ते अगर कानु काये उपर दोष लावणे ची कुई वजह हो, तां हेक ङुजे ची सेहती गिहा ते हेक ङुजे चे अपराध माफ करा, जिंवे प्रभु ने तम्चे अपराध माफ करले, यूंही ही तम्ही करा।

2 थिस्सलुनीकियां 3:3

पर प्रभु सच्‍चा छै, ओ तम्हानु मजबूती लारे खड़ा करी, ते ओ दुष्ट कनु सम्भालती कर राखी।

2 तीमुथियुस 4:18

ते प्रभु मनु हर हेक बुरे कामा कनु छुड़ावी, ते आपणे स्वर्ग़ीय राज़ मां उद्धार करती कर पुचावी, ओची महिमा युगानयुग हुती रिहो। आमीन।

याकूब 2:13

कांकि जेह्णे दया कोनी करली, ओचा न्यां बेरहमी लारे हुवी। दया न्यां उपर जयवन्त हुवे।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।