लूका 11:13 - ओङ राजपूत

¹³ तां जब तम्ही बुरे हुती कर, आपणे ब़ाला नु आच्छीया चीजा ङिते जाणा, तां तम्चा स्वर्ग़ीय ब़ा नरीकार आपणे मांगणे आला नु पवित्र आत्मा कां नी ङिही?”

लूका 11:13 ပူးပေါင်းရင်းမြစ်များ

मत्ती 5:16

यूंही तम्चे सोज़ले बन्दा चे सामणे चमको, वे तम्चे भले कामा नु ङेखती कर तम्चे ब़ा नरीकारा ची महिमा करो जको स्वर्ग़ा मां छै।

मत्ती 5:45

जाये कनु तम्ही आपणे स्वर्ग़ीय ब़ा ची ऊलाद्ध ठहराली जावा कांकि ओ भले ते बुरे ङुंहु उपर सूरज उग़ावे, ते धर्मी ते अधर्मी ङुंहु चे उपर मिंही बरसावे।

मत्ती 6:14

ऐवास्ते अगर तम्ही इन्साना चे अपराधा नु माफ करा, तां तम्चा स्वर्ग़ीय ब़ा वी तम्हानु माफ करी।

मत्ती 6:30

ऐवास्ते अगर नरीकार जंगला चे खड़ा नु, जको आज़ छै ते सुवारे भाड़ मां झोंकती ङिले जई, इसड़ी ओढ़णी घलावे, तां हे अल्पविश्‍वासी लौक, ओ तम्हानु ऐकनु बढ़ती कर कां नी घलावी?

मत्ती 6:32

कांकि नरीकारा नु ना जाणने आले लौक यां सारीया चीजा ची खोज मां रिही, पर तम्चा स्वर्ग़ीय ब़ा जाणे कि तम्हानु यां सारीया चीजा ची जरुरत छै।

मत्ती 7:11

तां जब तम्ही बुरे हुती कर, आपणे ब़ाला नु आच्छीया चीजा ङिते जाणा, तां तम्चा स्वर्ग़ीय ब़ा नरीकार आपणे मांगणे आला नु आच्छीया चीजा कां नी ङिही?

लूका 11:12

जा इंडे मांगे तां ओनु बिच्छु ङियो?

लूका 11:2

ईशु ने वानु केहले, “जिसे बेले तम्ही प्राथना करा तां केहजा, “ ‘हे ब़ा, दुधे नां पवित्र मनले जाओ, दुधा राज़ आओ।

लूका 18:7

ऐवास्ते का नरीकार आपणे चुणले आला चा सच्‍चा न्यां नी चुकावी, जको रात-ङिओ ओची दुहाई ङिते रिहे? का ओ वांचे बारे मां देर करी?

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

रोमियां 5:17

कांकि जिसे बेले हेक इन्सान आदम चे अपराधा चे वजह मौत ने ओ हेके ही चे जरिये राज़ करला, तां जको लौक अनुग्रह ते धर्मरूपी वरदान बहुतायात लारे पावी वे हेक इन्सान ईशु मसीह चे जरिये जरुर ही जीवन उपर राज़ करे।

रोमियां 7:18

कांकि मैं जाणे, कि माये मां यानिकि माये शरीरा मां कुई आच्छी चीज वास ना करी। इच्छा तां माये मां छै, पर भले काम माये कनु हुवी ना।

रोमियां 8:32

नरीकार, जेह्णे आपणे पूता नु वी कोनी राखले, बल्कि ओनु अम्चे सब चे पापा वास्ते मरणे वास्ते ङिती ङिले, तां ओ ओचे लारे अम्हानु होर सब कोच्छ कां नी ङिही?

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।