लूका 1:1 - ओङ राजपूत

¹ आदरणीय थियुफिलुस, ब़ोहता ने वा बाता चा जको अम्चे बीच मां बितलीया, इतिहास लिखणे मां हाथ लाला,

लूका 1:1 ပူးပေါင်းရင်းမြစ်များ

मरकुस 16:20

ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

रोमियां 14:5

कुई तां हेक ङिओ नु ङुजे कनु बधती कर मने, ते नेरे कुई सारी ङिहें हेके जिसड़ी मने, ते हर कुई आपणे मना मां पक्‍के करती गिहो।

रोमियां 4:21

ते ओनु पूरा भरोसा हुता कि जिसी बाते चा वायदा नरीकारा ने करला, ओ ओनु पूरा करने मां वी सामर्थी छै।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।