यूहन्‍ना 9:24 - ओङ राजपूत

²⁴ यहूदी नेता ने ओ बन्दे जको अन्धा हुता बल्ति ङुजी वारी हकारती केहले, “तु ठीक हुला ओची महिमा नरीकारा नु ङे, ओ बन्दे नु ना। कांकि अम्हानु पता छै ऊं बन्दे पापी छै।”

यूहन्‍ना 9:24 ပူးပေါင်းရင်းမြစ်များ

मरकुस 15:27

वाणे ओचे लारे ङोन ङाकु, हेक ओचे सज़्ज़े पासु ते हेक ओचे खब़्ब़े पासु क्रूसा उपर चढ़ाले।

लूका 15:2

पर फरीसी ते धर्मशास्त्री बुड़कती कर किहुं लाग़ले, “हा तां पापीया लारे मिले ते वांचे लारे खाये वी।”

लूका 19:7

ईं ङेखती कर सारी बन्दी कुड़कुड़ाती कर किहुं लाग़ली, “ईशु तां हेक पापी बन्दे चा मेहमान बणती कर आला।”

लूका 7:39

ईं ङेखती कर, ओह फरीसी जेह्णे ओनु हकारले हुते आपणे मना मां सोचु लाग़ला, “अगर हा भविष्यवक्‍ता हुवीया तां जाणती गिहा कि जको ओनु हाथ लावे पली, वा कूण ते किसड़ी छै कांकि वा तां पापेण छै।”

यूहन्‍ना 14:30

“मैं हमा तम्चे लारे घणीया बाता नी करी, कांकि ऐ संसारा चा सरदार शैतान आवे पला। माये उपर ओचा कुई अधिकार कोनी,

यूहन्‍ना 16:2

वे तम्हानु प्राथनाघरा महु काढ़ती छोड़े, ओ समय आवे पला कि जको कुई तम्हानु मारती नाखी ओह समझी कि ‘मैं नरीकारा ची सेवा करे पला।’

यूहन्‍ना 18:30

वाणे ओनु उत्तर ङिला, “अगर ओ कुकर्मी ना हुवीया, तां अम्ही ओनु दुधे हाथा मां ना सोंपुआ।”

यूहन्‍ना 19:6

जब प्रधान याजका ते पाहरेदारा ने ओनु ङेखले, तां रौला मचाती कर केहले, “ओनु क्रूसा उपर चढ़ा, क्रूसा उपर।” पिलातुस ने वानु केहले, “तम्ही ही ओनु जती कर क्रूसा उपर चढ़ावा, कांकि मैं ऐचे मां कुई दोष कोनी ङेखला।”

यूहन्‍ना 5:23

ऐवास्ते कि सारे लौक जिंवे ब़ा चा कद्दर करी यूंही पूता चा वी कद्दर करा। जको पूता चा कद्दर ना करी ओह ब़ा चा जेह्णे ओनु भेज़ले कद्दर ना करी।

यूहन्‍ना 8:46

तम्चे महु कूण मनु पापी ठहरावे? अगर मैं सच्‍च ब़ोले, तां तम्ही माया विश्‍वास कां ना करा?

यूहन्‍ना 8:49

ईशु ने केहले, “माये मां दुष्टात्मा कोनी, पर मैं आपणे ब़ा चा कद्दर करे ते तम्ही माई बेकदरी करा पले।

यूहन्‍ना 9:16

हा ङेखती कर नेरे फरीसी किहुं लाग़ले, “ऊं बन्दे नरीकारा ची तरफा कनु कोनी, कांकि ओह सब्त चा ङिओ ना मनी।” ङुजा ने केहले, “पापी बन्दे इसड़े चैन्ह किवें ङिखाण सग़े?” वांचे मां फूट पड़ली गेली।

यूहन्‍ना 9:25

ओणे केहले, “ओ पापी छै जा कोनी, मनु पता कोनी। मनु हेकी बाते चा पता छै। कि मैं अन्धा हुता ते हमा ङेखे।”

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

2 कुरिन्थियां 5:21

मसीह जको पापा कनु निष्पाप हुता, ओनु ही नरीकारा ने अम्चे वास्ते पाप ठहराला, कि अम्ही ओचे मां हुती कर नरीकारा ची धार्मिकता चे भाग़ी हुती जऊं।

प्रकाशितवाक्य 11:13

बल्ति ओही बेले हेक बङा भूकम्प आला, ते शहरा चा ङसवां हेंस्सा ढेती पला, ते ओ भूकम्प लारे सात हजार बन्दी मरती गेली, ते जको बाकि बन्दी बचली वे ङरती गेली, ते स्वर्ग़ा चे नरीकारा ची महिमा करली।