यूहन्‍ना 9:16 - ओङ राजपूत

¹⁶ हा ङेखती कर नेरे फरीसी किहुं लाग़ले, “ऊं बन्दे नरीकारा ची तरफा कनु कोनी, कांकि ओह सब्त चा ङिओ ना मनी।” ङुजा ने केहले, “पापी बन्दे इसड़े चैन्ह किवें ङिखाण सग़े?” वांचे मां फूट पड़ली गेली।

यूहन्‍ना 9:16 ပူးပေါင်းရင်းမြစ်များ

मत्ती 12:10

ओठे हेक बन्दे हुते, जाया हेक हाथ सूकती गेलता। वाणे ईशु उपर दोष लावणे वास्ते ओकनु पूछले, “का सब्त चे ङिओ ठीक करने वाजिब छै?”

मत्ती 12:2

फरीसिया ने ईं ङेखती कर ओनु केहले, “ङेख, दुधे चैले ऊं काम करी पले, जको सब्त चे ङिओ करने वाजिब कोनी।”

लूका 13:14

ऐवास्ते कि ईशु ने विनु सब्त चे ङिओ ठीक करले, प्राथनाघरा चा सरदार रिसाती कर लौका नु किहुं लाग़ला, “छाऔ ङिहें छी, जाये मां काम करने चाही छै, वा ङिहां मां आती कर चंगे हुवा, पर सब्त चे ङिओ ना।”

यूहन्‍ना 10:19

यां बाता ची वजह यहूदी लौका मां बल्ति फूट पड़ती गेली।

यूहन्‍ना 14:11

माया ही विश्‍वास करा जब मैं किहे कि मैं ब़ा नरीकारा मां छै ते ब़ा माये मां छै, कम से कम माये कामा ची वजह कनु माया विश्‍वास करा।

यूहन्‍ना 15:24

अगर मैं वांचे मां ऊं काम ना करियो जको मैं करले तां वे पापा चे भाग़ी ना हुवीया। पर हमा वाणे ङेखती गेले जको मैं करले। तां वी वे माये लारे ते माये ब़ा लारे बैर करी।

यूहन्‍ना 2:11

ईशु ने जको अचम्भे चे काम गलील चे काना शहरा मां करले ईशु ने आपणा हा पेहला चैन्ह ङिखाणती कर आपणी महिमा प्रकट करली ते ओचे चैला ने ईशु उपर विश्‍वास करला।

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 5:10

ऐवास्ते यहूदी नेते ओनु किहुं लाग़ले, “आज़ तां सब्त चा ङिओ छै, तनु खाट चवणी वाजिब कोनी।”

यूहन्‍ना 5:36

माया कनु हेक नेरा ग़वाह छै, जाई ग़वाही यूहन्‍ना ची ग़वाही कनु बङी छै। कांकि जको काम ब़ा ने मनु पुरे करने वास्ते सोंपले ईं काम जको मैं करे वे माये ग़वाह छी कि मनु ब़ा ने भेज़ले।

यूहन्‍ना 6:52

बल्ति यहूदी आपस मां ईं केहती कर बहस-बाजी करु लाग़ली, “हा आपणे शरीर अम्हानु खाणे वास्ते किवें ङे सग़े?”

यूहन्‍ना 7:12

ते लौका मैं ओचे बारे मां चोप-चोप करती ब़ोहत सारीया बाता हुलीया। कई किही पलते, “ओ भले मानस छै।” ते कहीं किही पलते, “ना, ओ लौका नु भरमावे।”

यूहन्‍ना 7:23

जिसे बेले सब्त चे ङिओ बन्दे चा खतना करला जाये ताकि मूसा ची व्यवस्था ची आज्ञा टलती ना जाओ, तां तम्ही कां क्रोध करा कि मैं सब्त चे ङिओ हेक बन्दे नु पुरी रीति लारे ठीक करले?

यूहन्‍ना 7:43

ईशु ची वजह कनु लौका मां फूट पड़ली।

यूहन्‍ना 9:24

यहूदी नेता ने ओ बन्दे जको अन्धा हुता बल्ति ङुजी वारी हकारती केहले, “तु ठीक हुला ओची महिमा नरीकारा नु ङे, ओ बन्दे नु ना। कांकि अम्हानु पता छै ऊं बन्दे पापी छै।”

प्रेरितां चे काम 14:4

पर शहरा चे लौका मां आपस मां फूट पड़ती गेलती, कोच्छ लौक तां यहूदिया सनु, ते कोच्छ लौक प्रेरितां सनु हुती गेले।