यूहन्‍ना 8:31 - ओङ राजपूत

³¹ बल्ति ईशु ने वा यहूदिया नु जेह्णे ओचे उपर विश्‍वास करला हुता केहले, “अगर तम्ही माये वचना मां बणले रिहा, तां सच्‍चमां माये चैले बणा।

यूहन्‍ना 8:31 ပူးပေါင်းရင်းမြစ်များ

मत्ती 24:13

पर जको अन्त तक सब्र करली रिही, ओचा उद्धार हुवी।

यूहन्‍ना 1:47

ईशु ने नतनएल नु आपणे गोढु आते ङेखती कर ओचे बारे मां केहले, “ङेखा, हा सच्‍चमां इस्राएली छै। ऐचे मां कप्पट कोनी।”

यूहन्‍ना 2:2

ईशु ते ओचे चैला नु वी ओ बीहा चा छेड़ा ङिला गेलता ला।

यूहन्‍ना 6:55

कांकि माया शरीर वास्तव मां खाणे ची चीज छै, ते माये लुहीं वास्तव मां पीणे ची चीज छै।

यूहन्‍ना 8:36

ऐवास्ते अगर पूत तम्हानु आजाद करी, तां सच्‍चमां ही तम्ही आजाद हुती जावा।

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 14:22

ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 26:22

पर हमा तक माई सहायता नरीकार करता रेहला, ते का छोटे, ते का बङे मैं तम्चे सारा चे सामणे ग़वाही ङिये पला, ते वा बाता नु छोड़ती कर कहीं वी ना किही, जको भविष्यवक्‍ता ने ते मूसा ने वी केहले कि हुवणे आलीया छी।

रोमियां 11:22

ऐवास्ते नरीकारा ची दयालुता ते सख्ताई नु ङेख। जको ढेती गेले, वांचे उपर सख्ताई, पर दुधे उपर दयालुता, अगर तु ओचे मां बणला रिहे। ना तां, तु वी बाढती कर नाखला जाये।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

1 तीमुथियुस 2:15

तां वी ब़ाले जणने चे जरिये उद्धार पावी, अगर वे तसल्‍ली लारे विश्‍वास, प्रेम, ते पवित्रता मां टिकली रिहो।

1 तीमुथियुस 4:16

आपणी ते आपणे उपदेश ची चौकसी राख। यां बाता उपर टिकला रेह, कांकि अगर इसड़े करता रिहे, तां तु आपणे, ते आपणे सुणने आला चे वास्ते वी उद्धार ची वजह हुवे।

2 तीमुथियुस 3:14

पर तु जा बाता उपर जको तु सिखलीया हुतीया, तु विश्‍वास करला हुता, हा जाणती कर मजबूत बणला रेह, कि तु वे बाता किसा बन्दा कनु सिखलीया हुतीया।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 8:9

हा वे वाचा आलीकर कोनी, जको मैं वांचे पुरखा लारे ओ समय ब़ांहली हुती, जिसे बेले मैं वांचा हाथ पकड़ती कर वानु मिस्र देशा महु काढ़ती आला हुता। कांकि वे माई वाचा मां अटल कोनी रेहले, ऐवास्ते मैं वाकनु दूर हुती गेला, ईं प्रभु चे केहणे छै।

याकूब 1:25

पर जको बन्दे आजादी ची सेद्ध व्यवस्था उपर ध्यान करता रिहे, ओह आपणे कामा मां ऐवास्ते आशीष गिही कि सुणती कर भुली ना, पर उसड़े ही काम करे।

1 यूहन्‍ना 2:19

तां मसीह चे विरोधी अम्चे महु निकली, पर अम्चे जिसड़े हुते कोनी, कांकि अगर वे सच्‍चमां अम्चे लारे हुवीया तां, अम्चे लारे रिहा, पर निकलती ऐवास्ते गेले कि हा प्रकट हो कि वे सच्‍चमां सारे अम्चे कोनी।

1 यूहन्‍ना 2:24

जको बात तम्ही शुरु कनु सुणली, वा तम्चे मां हुवणी चाही छै, अगर वा तम्चे मां हुवी, तां तम्ही वी पूता मां ते ब़ा मां बणले रिहा,

2 यूहन्‍ना 1:9

जको कुई मसीह ची सच्‍ची शिक्षा कनु आग़ु बढ़ती जाये ते ओचे मां बणला ना रिही, ओचे गोढु नरीकार कोनी। जको कुई मसीह ची सच्‍ची शिक्षा उपर टिकला रिहे, ओचे गोढु ब़ा वी छै ते पूत वी।