यूहन्‍ना 7:4 - ओङ राजपूत

⁴ कांकि इसड़े कुई नी हुवी जको प्रसिद्ध हुवणा चाहवे ते लुकती कर काम करो। अगर तु ईं काम करी तां, आपणे आप नु संसारा उपर प्रकट कर।”

यूहन्‍ना 7:4 ပူးပေါင်းရင်းမြစ်များ

मत्ती 23:5

वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो!

मत्ती 4:6

ते शैतान ने ओनु केहले, “अगर तु नरीकारा चा पूत छी, तां आपणे आप नु तले ढाती नाख, कांकि लिखले आले छै, ‘ओ दुधे बारे मां आपणे स्वर्ग़दूता नु हा आज्ञा ङी, ते वे तनु हाथो हाथ चती गिहे, कङी इसड़े ना हो कि दुधे पग़्ग़ा नु पत्थरा लारे ठोकर लाग़ो।’ ”

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:5

“जिसे बेले तु प्राथना करी, तां कप्पटीयां चे जिसड़ा ना हो, कांकि लौका नु ङिखाणे वास्ते कोनी प्राथनाघरा मां ते सड़का चे मोड़ा उपर खड़े हुती कर प्राथना करने वानु आच्छे लाग़े। मैं तम्हानु सच्‍च किहे पला कि वे आपणा फल पाती चुकले।

लूका 6:45

भले इन्सान आपणे मना चे भले भण्डार कनु भलीया बाता काढ़े ते बुरे इन्सान आपणे मना चे बुरे भण्डार कनु बुरीया बाता काढ़े, कांकि जको मना मां भरले पले, ऊंही ओचे मुँहा उपर आवे।

यूहन्‍ना 18:20

ईशु ने ओनु उत्तर ङिला, “मैं संसारा लारे खुलती कर बाता करलीया, मैं प्राथनाघरा ते मन्दरा मां जिठे सारे यहूदी भेले हुवी गेहती सदा उपदेश करला। गुप्त मां कहीं कोनी केहले।

यूहन्‍ना 7:3

ऐवास्ते ओचे भावां ने ओनु केहले, “गलील नु छोड़ती कर यहूदिया नु जा, कि जको काम तु करी वानु दुधे चैले उठे वी ङेखो।

यूहन्‍ना 7:5

कांकि ओचे खौद्द चे भऊ वी ओचे उपर विश्‍वास ना करते।