यूहन्‍ना 7:28 - ओङ राजपूत

²⁸ बल्ति ईशु ने मन्दरा मां उपदेश ङिते बेले ऊंची अवाजी मां केहले, “तम्ही किहा कि मनु जाणा, ते ईं वी कि मैं किठला छै। पर मैं तां आपणे आप कोनी आला, मनु भेज़णे आला सच्‍चा छै। ओनु तम्ही ना जाणा।

यूहन्‍ना 7:28 ပူးပေါင်းရင်းမြစ်များ

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 2:23

ओठे नासरत नांवा चे शहरा मां जती बसला, ताकि ओ वचन पूरा हो, जको भविष्यवक्‍ता चे जरिये केहला गेलता, “ओ नासरी किहवावी।”

मत्ती 26:55

ओ समय ईशु ने भीड़ नु केहले, “का तम्ही तलवारा ते ङांगा चती कर मनु ङाकु जाणती कर पकड़ने वास्ते निकड़ले छिवा ? मैं हर ङिओ मन्दरा मां ब़ेसती कर उपदेश ङिता रेहता, ते तब तम्ही मनु कोनी पकड़ले।

लूका 10:22

“माये ब़ा ने मनु सब कोच्छ सोंपती ङिले, ते कुई ना जाणी कि पूत कूण छै, सेर्फ ब़ा, ते ब़ा कूण छै, ईं वी कुई ना जाणी, सेर्फ पूता चे, ते ओ जाये उपर पूत ओनु प्रकट करना चाहवे।”

लूका 2:11

कांकि आज़ दाऊद चे शहरा मां तम्चे वास्ते हेक मुक्‍तिदाता जमला, हाओ ही मसीह प्रभु छै।

लूका 2:39

ते जिसे बेले वे प्रभु ची व्यवस्था चे अनुसार सब कोच्छ पूरा करती चुकली, तां गलील चे नासरत शहरा नु वापिस चाह्‍ली गेली

लूका 2:4

तां यूसुफ वी ऐवास्ते कि ओ दाऊद चे घराणे ते वंश चा हुता, गलील चे नासरत शहर महु यहूदिया मां दाऊद चे शहर बैतलहम नु गेला,

लूका 2:51

बल्ति ईशु वांचे लारे नासरत मां आला ते परिवारा मां रेहला, ते वांचे वशा मां रेहला ते ओची आई ने ये बाता मना मां राखलीया।

यूहन्‍ना 1:46

बल्ति नतनएल ने ओनु केहले, “का कुई आच्छी चीज वी नासरत कनु निकल सग़े?” फिलिप्पुस ने ओनु केहले, “चालती कर ङेखती गे।”

यूहन्‍ना 10:36

तां मनु जको ब़ा ने पवित्र बणाती कर दुनिया मां भेज़ले, तम्ही कां किहा कि मैं निन्दा करे पला, कांकि मैं केहले, ‘मैं नरीकारा चा पूत छै?’

यूहन्‍ना 12:49

कांकि मैं आपणे तरफु बाता कोनी केहलीया, पर नरीकार ब़ा जेह्णे मनु भेज़ले ओणे मनु आज्ञा ङिली कि का-का किहे ते का-का ब़ोले।

यूहन्‍ना 14:10

का तु विश्‍वास ना करी कि मैं ब़ा छै, ते ब़ा माये मां छै? ये बाता जको मैं तनु किहे आपणे तरफु कोनी किहे पला। पर ब़ा माये मां रेहती कर आपणे काम करे।

यूहन्‍ना 14:31

पर ईं ऐवास्ते हुवे कि संसारा नु पता लाग़ो कि मैं ब़ा लारे प्रेम करे ते जिंवे ब़ा ने मनु आज्ञा ङिली मैं यूंही ही करे। “ऊठा इठु चालु।

यूहन्‍ना 16:3

ते ईं वे ऐवास्ते करे कि वाणे ना ब़ा नु जाणले ते ना ही मनु जाणी।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 3:33

जेह्णे ओची ग़वाही ग्रहण करती गेली ओणे ये बाते उपर छाप लाली कि नरीकार सच्‍चा छै।

यूहन्‍ना 5:32

हेक नेरा छै जको माई ग़वाही ङिये, ते मनु पता छै जको माई ग़वाही ङिये वा सच्‍ची छै।

यूहन्‍ना 5:43

मैं आपणे ब़ा चे नांवा कनु आला, ते तम्ही मनु ना मना। अगर कुई आपणे ही नांवा कनु आवे, तां ओनु तम्ही मनती गिहा।

यूहन्‍ना 6:42

वाणे केहले, “का हाओ यूसुफ चा पूत ईशु कोनी? जाये आई-ब़ा नु अम्ही ना जाणु? बल्ति हा किवें केह सग़े कि, ‘मैं स्वर्ग़ा कनु उतरला?’ ”

यूहन्‍ना 7:14

जिसे बेले तेंहवार ची आधी ङिहें बीतती गेली, तां ईशु मन्दरा मां जती कर उपदेश ङिऊं लाग़ला।

यूहन्‍ना 8:14

ईशु ने वानु उत्तर ङिला, “कि अगर मैं आपणी ग़वाही आप ङिये, तां वी माई ग़वाही सच्‍ची छै, कांकि मैं जाणे कि मैं किठु आला ते किठे जाये पला। पर तम्ही ना जाणा कि मैं किठु आला ते किठे जाणे।

यूहन्‍ना 8:16

ते अगर मैं न्यां करे वी तां माया न्यां सच्‍चा छै, कांकि मैं हेकला कोनी। पर मैं ते माया ब़ा नरीकार जेह्णे मनु भेज़ले अम्ही ङोनी जणे न्यां करु।

यूहन्‍ना 8:19

वाणे ईशु नु केहले कि, “दुधा ब़ा किठे छै?” ईशु ने उत्तर ङिला, “ना तम्ही मनु जाणा ते ना ही माया ब़ा नु। अगर तम्ही मनु जाणा हां तां माये ब़ा नु वी जाणा हा।”

यूहन्‍ना 8:26

तम्चे बारे मां मनु ब़ोहत कोच्छ केहणे ते फैंसला करना छै। पर माया भेज़णे आला सच्‍चा छै, ते मैं जको ओकनु सुणले ऊंही संसारा नु किहे पला।”

यूहन्‍ना 8:42

ईशु ने वानु केहले, “अगर नरीकार तम्चा ब़ा हुवीया तां, तम्ही माये लारे प्रेम राखा हा, कांकि मैं नरीकारा ची तरफु आला। मैं आपणे आप कोनी आला, पर ओणे मनु भेज़ले।

यूहन्‍ना 9:29

अम्हानु पता छै कि नरीकारा ने मूसा लारे बाता करलीया, पर अम्ही ना जाणु कि ऊं बन्दे किठले छै।”

प्रेरितां चे काम 17:23

कांकि मैं घूमते-फिरते हुले तम्चीया पूजा करने आलीया चीजा नु ङेखले, ते मैं हेक इसड़ी वेदी ङेखली, जाये उपर ईं लिखले पलते ले, ‘अणजाणे ईश्‍वर चे वास्ते।’ ऐवास्ते जिसे नु तम्ही बिना जाणले पूजा, मैं तम्हानु ओचा समाचार सुणावे पला।

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

रोमियां 3:4

बल्कि नरीकार सच्‍चा छै ते हर-हेक बन्दे कूड़े छै, जिसड़े कि पवित्रशास्त्रा मां लिखले पले कि, “जाये कनु तु आपणीया बाता मां धर्मी ठहरी, ते न्यां बेले तु जय पावे।”

2 कुरिन्थियां 1:18

नरीकार विश्‍वासयोग छै, कि अम्चे ओ वचन मां जको तम्हानु केहला गेला, “हा” ते “ना” ङोनी ना मिली।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

1 यूहन्‍ना 5:10

जको नरीकारा चे पूता उपर विश्‍वास करे, ऊं आपणे ही मां ग़वाही राखे। जेह्णे नरीकारा उपर विश्‍वास कोनी करला, ओणे ओनु कूड़े ठहराले। कांकि ओणे वे ग़वाही उपर विश्‍वास कोनी करला, जको नरीकारा ने आपणे पूता चे बारे मां ङिली।