यूहन्‍ना 7:1 - ओङ राजपूत

¹ यां बाता चे बाद, ईशु गलील मां फिरता रेहला। कांकि यहूदी नेते ओनु मारती नाखणे चा चारा लाली भिलते, ऐवास्ते ओ यहूदिया मां फिरना ना चाहता।

यूहन्‍ना 7:1 ပူးပေါင်းရင်းမြစ်များ

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 21:38

पर जमींदारा ने पूता नु ङेखले तां आपस मां केहले, ‘हा तां वारिस छै। आवा, अम्ही ऐनू मारती नाखु, ते ऐची विरासत गेहती गिहुं।’

मरकुस 11:18

ईं सुणती कर प्रधान याजक ते शास्त्री ओनु खत्तम करने चा मौका सोधी पलते, कांकि वे ओचे कनु ङरते, ऐवास्ते कि सारे लौक ओचे उपदेश कनु अचम्भे मां हुती जते।

यूहन्‍ना 1:19

यूहन्‍ना ची ग़वाही हा हुती कि जिसे बेले यहूदी नेता ने जको यरुशलेम मां हुते याजका ते लेवीया नु ओचे कनु ईं पूछणे चे वास्ते भेज़ले, “कि तु कूण छी?”

यूहन्‍ना 4:3

ऐवास्ते ईशु यहूदिया नु छोड़ती कर बल्ति गलील इलाके नु चाह्‍ला गेला।

यूहन्‍ना 4:54

ईं ङुजे अचम्भे चे काम हुते, जको ईशु ने यहूदिया कनु गलील मां आती कर ङिखाणले।

यूहन्‍ना 6:1

यां बाता चे बाद ईशु गलील ची झील यानिकि तिबिरियास ची झील चे पार गेला।

यूहन्‍ना 7:11

यहूदी तेंहवारा मां ईशु नु ईं केहती कर सोधु लाग़ले, “ओ किठे छै?”

यूहन्‍ना 7:13

तां वी यहूदी नेता चे ङरा कनु कुई बन्दे ओचे बारे खुलती कर कोनी ब़ोले पलते।

यूहन्‍ना 7:19

का मूसा ने तम्हानु व्यवस्था कोनी ङिली हुती? तां वी तम्चे महु कुई वी व्यवस्था उपर ना चली। तम्ही कां मनु मारती नाखणे चाहवा?”

यूहन्‍ना 7:25

बल्ति कई यरुशलेम वासी किहुं लाग़ले, “का हा ओही कोनी, जानु मारणे ची कोशिस करली जाये पली?

यूहन्‍ना 7:35

यहूदिया ने आपस मां केहले, “हा किठे जई कि अम्ही ऐनू नी सोध सग़ु? का ओ वाकनु जई जको अम्चे लौक यूनानिया मां खिंडती-पुंडती कर रिही पले, ते यूनानिया नु वी उपदेश ङिही?

यूहन्‍ना 8:37

मैं जाणे कि तम्ही अब्राहम चे वंशा चे छिवा। तां वी माया वचन तम्चे दिला मां जग़हा ना गे सग़ी, ऐवास्ते तम्ही मनु मारती नाखणे चाहवा।

यूहन्‍ना 8:40

पर हमा तम्ही मनु मारणे चाहवा कांकि मैं तम्हानु सच्‍च वचन सुणाला जको आपणे ब़ा नरीकारा कनु सुणला हुता। पर अब्राहम ने तां तम्चे जिसड़े कोनी करले हुते।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।