यूहन्‍ना 5:46 - ओङ राजपूत

⁴⁶ अगर तम्ही मूसा उपर विश्‍वास करा, तां तम्ही माये उपर वी विश्‍वास करा हा, कांकि ओणे माये बारे मां लिखले।

यूहन्‍ना 5:46 ပူးပေါင်းရင်းမြစ်များ

लूका 24:27

तब ओणे मूसा कनु ते सारे भविष्यवक्‍ता कनु शुरु करती कर सारे पवित्रशास्त्र महु, आपणे बारे मां लिखलीया बाता चा मतलब, वानु समझाती ङिला।

यूहन्‍ना 1:45

फिलिप्पुस नतनएल लारे मिड़ला ते ओनु केहले, “जाया जिक्र मूसा ने व्यवस्था मां करला हुता ते भविष्यवक्‍ता ने लिखले, ओ अम्हानु मिलती गेला। ओ यूसुफ चा पूत, ईशु नासरी छै।”

यूहन्‍ना 5:47

जिसे बेले तम्ही, जको मूसा ने लिखले ओचे उपर तम्ही विश्‍वास ना करा, ते बल्ति माये वचना उपर किवें विश्‍वास करा?”

प्रेरितां चे काम 26:22

पर हमा तक माई सहायता नरीकार करता रेहला, ते का छोटे, ते का बङे मैं तम्चे सारा चे सामणे ग़वाही ङिये पला, ते वा बाता नु छोड़ती कर कहीं वी ना किही, जको भविष्यवक्‍ता ने ते मूसा ने वी केहले कि हुवणे आलीया छी।

रोमियां 10:4

मसीह ने व्यवस्था चा अन्त करला ताकि हर-हेक जको विश्‍वास करे, नरीकारा चे वास्ते धार्मिक हो।

गलातियां 2:19

मैं तां व्यवस्था चे लारे व्यवस्था वास्ते मरती गेला, ताकि नरीकारा चे वास्ते जिंवे।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

गलातियां 3:24

ऐवास्ते व्यवस्था मसीह चे आणे तक गेहती जेह्णे आला हेक सम्भालणे आला बणती गेला, ताकि अम्ही विश्‍वास लारे धर्मी बणती जहु।