यूहन्‍ना 4:42 - ओङ राजपूत

⁴² ते वां लौका ने असतरी नु केहले, “हमा अम्ही दुधे केहणे लारे ही विश्‍वास ना करु, कांकि अम्ही आप ही सुणती गेले, ते जाणु कि हाओ ही सच्‍चमां संसारा चा उद्धारकर्ता छै।”

यूहन्‍ना 4:42 ပူးပေါင်းရင်းမြစ်များ

मत्ती 1:21

वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”

लूका 2:32

कि ओ नेरीया जातिया नु सोज़ले ङेणे वास्ते ज्योति ते दुधे खौद्द ची प्रजा इस्राएल चे वास्ते महिमा हो।”

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 11:17

बल्ति ईशु उठु टुरती पला, ते ओठे जती कर ओणे ङेखले कि लाजर ची लाश नु चट्टानी मां खुदली आली कब्री मां मेहले चार ङिहें हुती गेली।

यूहन्‍ना 17:8

कांकि जको वचन तु मनु ङिले मैं वे वानु पुचाती ङिले ते वाणे ओनु ग्रहण करले। ते सच्‍च-सच्‍च जाणती गेले कि मैं दुधे तरफु आला, ते विश्‍वास करती गेला कि तु ही मनु भेज़ले।

यूहन्‍ना 4:29

“आवा, हेक इन्साना नु ङेखा, जेह्णे सब कोच्छ जको मैं करले मनु बावड़ती ङिले। किठी हाओ तां मसीह कोनी?”

यूहन्‍ना 4:41

ईशु चे वचना ची वजह कनु नेरे वी ब़ोहत सारे लौका ने विश्‍वास करला।

प्रेरितां चे काम 13:23

“दाऊद चे वंश महु नरीकारा ने वायदे चे मुताबिक इस्राएल कनु हेक उद्धारकर्ता, मसीह ईशु नु भेज़ले।

प्रेरितां चे काम 4:12

ते कुई ङुजे चे जरिये उद्धार कोनी, कांकि सारे संसारा मां नेरे कुई ङुजे नां कोनी ङिले गेले, जाये जरिये अम्ही उद्धार गे सग़ु।”

प्रेरितां चे काम 5:31

ओनु ही नरीकारा ने प्रभु ते उद्धारकर्ता ठहराती कर आपणे सज़्ज़े हाथा लारे ऊंचे करले, कि ओ इस्राएलीया नु मन फिरावणे ची ताकत ते पापा ची माफी दान करो।

2 कुरिन्थियां 5:19

यानिकि नरीकारा ने मसीह मां हुती कर आपणे लारे संसारा चा मेल-मिलाप करती गेला, ते वांचे पापा चा दोष वांचे उपर कोनी लाला, ते ओणे मेल-मिलाप चा वचन अम्हानु सोंपती ङिला।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

1 यूहन्‍ना 2:2

ते ओही अम्चे पापा चे वास्ते बलिदान हुला, ते सेर्फ अम्चे ही कोनी बल्कि सारे संसार चे पापा चे वास्ते वी।

1 यूहन्‍ना 4:14

ते अम्ही ङेखती वी गेले ते ग़वाही वी ङियु, कि ब़ा नरीकारा ने आपणे पूता नु संसारा चा उद्धारकर्ता चे रूपा मां भेज़ले।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।