यूहन्‍ना 4:34 - ओङ राजपूत

³⁴ ईशु ने वानु केहले, “माया भोज़न हा छै, कि आपणे भेज़णे आले ची इच्छा चे अनुसार टुरे ते ओचे काम पुरे करे।

यूहन्‍ना 4:34 ပူးပေါင်းရင်းမြစ်များ

मत्ती 26:39

बल्ति ओ थोड़ा नेरा उग़ते बधती कर मुँहा चे भराणे ढेला, ते हा प्राथना करली, “हे माया ब़ा, अगर हो सग़े तां हा मुंगर माये कनु टलती जाओ, तां वी जिसड़े मैं चाहवे उसड़े ना, पर जको तु चाहवी उसड़े ही हो।”

मत्ती 3:15

उत्तर मां ईशु ने ओनु केहले, “हमा तां ऐनू ऐह तरीके लारे हुं ङे। अम्ही, जको नरीकार चाहवे ओनु पुरे करने वास्ते ईं ठीक छै।” बल्ति ओणे इसड़े ही हुं ङिले।

मत्ती 9:19

ईशु उठती कर आपणे चैला समेत ओचे भांसु टुरती पला।

लूका 15:10

मैं तम्हानु किहे पला कि यूंही हेक मन फिरावणे आले पापी चे बारे मां नरीकारा चे स्वर्ग़दूता चे सामणे खुशी हुवे।”

लूका 19:10

कांकि मैं इन्साना चा पूत गार हुला आला नु सोधु, ते वांचा उद्धार करु आला।”

लूका 2:49

ओणे वानु केहले “तम्ही मनु कां सोती फिरा? का तम्ही ना जाणा कि मनु आपणे ब़ा चे मन्दरा मां रेहणे जरुरी छै?”

यूहन्‍ना 17:4

जको काम तु मनु करने वास्ते ङिले ते ओनु पुरे करती मैं धरती उपर दुधी महिमा करली।

यूहन्‍ना 19:28

ऐचे बाद, ईशु ने ईं जाणती कर कि हमा सब कोच्छ पुरे हुती चुकले, ऐवास्ते कि पवित्रशास्त्र मां जको केहले गेलते ऊं पुरे हो, केहले, “मैं तरसेला छै।”

यूहन्‍ना 19:30

जब ईशु ने ओ सिरका गेहला, तां केहले, “पुरे हुले” ते ठोङ झुकाती कर जेन्द छोड़ती ङिली।

यूहन्‍ना 4:32

पर ईशु ने चैला नु केहले, “माये कनु खाणे वास्ते इसड़ा भोज़न छै, जानु तम्ही ना जाणा।”

यूहन्‍ना 5:30

“मैं आपणे आप कहीं वी ना कर सग़ी, जिंवे सुणे उसड़ा ही न्यां करे ते माया न्यां सच्‍चा छै, कांकि मैं आपणी मर्जी ना पर आपणे भेज़णे आले ची मर्जी चाहवे।

यूहन्‍ना 5:36

माया कनु हेक नेरा ग़वाह छै, जाई ग़वाही यूहन्‍ना ची ग़वाही कनु बङी छै। कांकि जको काम ब़ा ने मनु पुरे करने वास्ते सोंपले ईं काम जको मैं करे वे माये ग़वाह छी कि मनु ब़ा ने भेज़ले।

यूहन्‍ना 6:33

कांकि ब़ा नरीकारा ची रोटी वा छै जको स्वर्ग़ा कनु उतरती संसारा नु जीवन ङिये।”

यूहन्‍ना 6:38

कांकि मैं स्वर्ग़ा कनु आपणी मर्जी चे अनुसार काम करने चे वास्ते कोनी आला बल्कि नरीकारा ची मर्जी पुरी करु आला, जेह्णे मनु भेज़ले।

यूहन्‍ना 8:29

ते माया भेज़णे आला माये लारे छै, ओणे मनु हेकले कोनी छोड़ले, कांकि मैं सदा ऊंही काम करे जाये कनु ओ खौश हुवे।”

प्रेरितां चे काम 20:35

मैं तम्हानु सब कोच्छ करती ङिखाणले, कि ये रीति लारे मेहनत करते हुले बेबस लौका नु सम्भालणे, ते प्रभु ईशु चा बाता नु याद राखणे जरुरी छै, कि ओणे आप ही खौद्द केहले, ‘गेहणे कनु ङेणे भले छै।’ ”

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।