यूहन्‍ना 3:5 - ओङ राजपूत

⁵ ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

यूहन्‍ना 3:5 ပူးပေါင်းရင်းမြစ်များ

मत्ती 18:3

ते केहले, “मैं तम्हानु सच्‍च किहे पला कि जब तक तम्ही ना फिरा ते ब़ाला आलीकर ना बणा, तम्ही स्वर्ग़ा चे राज़ मां जा नी सग़ा।

मत्ती 19:24

तम्हानु बल्ति किहे पला कि नरीकारा चे राज़ मां धनवान चे जाणे कनु ऊंठा चे सुई चे दुक्‍का महु निकलती जाणे आसान छै।”

मत्ती 21:31

यां ङुंहु महु किसे ने ब़ा ची इच्छा पुरी करली?” वाणे केहले, “पेहले ने।” ईशु ने वानु केहले, “मैं तम्हानु सच्‍च किहे पला कि चुंगी गेहणे आले, ते वेश्या तम्चे कनु पेहले नरीकारा चे राज़ मां जाये।

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मत्ती 3:11

मैं तां तम्हानु मन फिरावणे वास्ते पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै कि मैं ओचे ब़ूटा नु चवणे चे लायक कोनी, ओ तम्हानु खौद्द पवित्र आत्मा ते जाखते लारे बपतिस्मा ङी।

मत्ती 5:20

कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।

मरकुस 10:14

ईशु ने ईं ङेखती गुस्से हुती कर। वानु केहले, “ब़ाला नु माये गोढु आऊं ङिया ते वानु मना ना करा, कांकि नरीकारा चा राज़ इसड़ा ही चा छै।

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

मरकुस 9:47

अगर दुधी आंख तनु ठोकर खुलाओ तां विनु काढ़ती नाख। काणा हुती कर नरीकारा चे राज़ मां जाणे दुधे वास्ते ऐचे कनु भले छै कि ङोन आंखी रेहते हुले तु नर्का मां नाखला जई।

लूका 13:24

“सकड़े दरवाजे कनु जाणे वास्ते जत्तन करा, कांकि मैं तम्हानु किहे पला कि ब़ोहत से भीतर जाणा चाहवे, ते नी जा सग़े।

लूका 13:3

मैं तम्हानु किहे कि कोना, पर अगर तम्ही मन नी फिरावा तां तम्ही सारे वी येही रीति लारे नाश हुवा।

लूका 13:5

मैं तम्हानु किहे कि कोना, पर अगर तम्ही मन नी फिरावा तां तम्ही सारी वी यूंही नाश हुवा।”

यूहन्‍ना 1:13

ओ ना तां लुहींया लारे, ना शरीरा ची इच्छा लारे, ना बन्दा ची इच्छा लारे पैदा हुला, पर नरीकारा कनु पैदा हुला।

यूहन्‍ना 3:3

ईशु ने ओनु उत्तर ङिला, “मैं तनु सच्‍च-सच्‍च किहे पला, अगर कुई नवें सिरे कनु ना जमही तां नरीकारा चा राज़ ङेख ना सग़ी।”

यूहन्‍ना 3:4

निकुदेमुस ने ईशु कनु पूछले, “बन्दे जिसे बेले ब़ुढे हुती जाये, ते दुबारा जनम किवें गे सग़े? का ऊं आपणी आई चे ढिड्डा मां दुबारा जती कर जनम गे सग़े?”

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 3:19

ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

1 कुरिन्थियां 2:12

अम्ही संसारा ची आत्मा कोनी, पर वा आत्मा गेहली छै, जको नरीकारा चे तरफु छै कि अम्ही वां बाता नु जाणु, जको नरीकारा ने अम्हानु ङिलीया।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

गलातियां 6:15

कांकि ना खतना ते ना बिना खतना कोच्छ छै, पर नवीं सृष्टि।

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

1 यूहन्‍ना 2:29

अगर तम्ही जाणा, कि ईशु धर्मी छै, तां ईं वी जाणा कि जको कुई धर्म चे काम करे, वे ओकनु जमले।

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।