यूहन्‍ना 3:34 - ओङ राजपूत

³⁴ कांकि जानु नरीकार ने भेज़ले ओह नरीकारा चीया बाता किहे, कांकि नरीकार आत्मा नापती कर ना ङी।

यूहन्‍ना 3:34 ပူးပေါင်းရင်းမြစ်များ

मत्ती 12:18

“ङेखा, हा माया सेवक छै, जानु मैं चुणले। हा माया प्यारा छै, जाये कनु माये मन खौश छै। मैं आपणी आत्मा ओचे मां नाखी, ते ओ सारीया जातिया नु, न्यां चा समाचार ङी।

लूका 4:18

“प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।

यूहन्‍ना 1:16

कांकि ओची दया ची भरपूरी महु अम्ही किरपा हांसिल करली यानिकि अनुग्रह उपर अनुग्रह।

यूहन्‍ना 15:26

“जिसे बेले ओह सहायक आवी, जानु मैं तम्चे गोढु ब़ा ची तरफु भेज़ी, यानिकि सच्‍चाई चा आत्मा जको ब़ा ची तरफु आवी, तां ओह माई ग़वाही ङिही।

यूहन्‍ना 16:7

तां वी मैं तम्हानु सच्‍च किहे कि, माये जाणे तम्चे वास्ते आच्छे छै। कांकि अगर मैं ना जई तां, ओह सहायक तम्चे गोढु कोनी आवे। पर अगर मैं जई तां, ओनु तम्चे गोढु भेज़ी।

यूहन्‍ना 3:17

नरीकारा ने आपणे पूता नु संसारा मां ऐवास्ते कोनी भेज़ले कि संसारा उपर ङण्ड ची आज्ञा ङियो, पर ऐवास्ते कि संसार ओचे जरिये उद्धार गिहो।

यूहन्‍ना 5:26

कांकि जिसी रीति लारे ब़ा आपणे आप मां जीवन राखे, वे रीति चे लारे ओणे पूता नु वी अधिकार ङिला कि आपणे आप मां जीवन राखो।

यूहन्‍ना 7:16

ईशु ने वानु उत्तर ङिला, “माया उपदेश माया कोनी। पर माये भेज़णे आले चा छै।

यूहन्‍ना 8:40

पर हमा तम्ही मनु मारणे चाहवा कांकि मैं तम्हानु सच्‍च वचन सुणाला जको आपणे ब़ा नरीकारा कनु सुणला हुता। पर अब्राहम ने तां तम्चे जिसड़े कोनी करले हुते।

यूहन्‍ना 8:47

जको नरीकारा चे तरफु छै, ऊं नरीकारा चा ही बाता सुणे। तम्ही ऐवास्ते ना सुणा कि नरीकारा चे तरफु कोनी।”

प्रेरितां चे काम 1:2

ओ ङिओ तक जिसे बेले ओ वां प्रेरितां नु जानु ओणे चुणले ते, पवित्र आत्मा चे लारे आदेश ङिती स्वर्ग़ मां उपर चवीला ना गेला।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

रोमियां 8:2

कांकि जीवन ची आत्मा ची व्यवस्था ने मसीह ईशु मां मनु पाप ची ते मौत ची व्यवस्था कनु आजाद करती ङिले।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

कुलुस्सियां 1:19

कांकि नरीकारा ची खुशी ऐचे मां छै कि ओचे मां सारी परिपूर्णता बसो।

कुलुस्सियां 2:9

कांकि नरीकार आपणी परिपूर्णता चे लारे हमेशा मसीह ची देह मां रिहे।

प्रकाशितवाक्य 21:6

बल्ति ओणे मनु केहले, “ये बाता पुरीया हुती गेलीया। मैं अल्फा ते ओमेगा, आदि ते अन्त छै। मैं तरसेले नु जीवन चे पाणीया चे सोते महु मुफ्त पिलावी।

प्रकाशितवाक्य 22:1

बल्ति ओ स्वर्ग़दूता ने मनु बिल्‍लौर जिसड़ी शीशे आलीकर झलकती हुली, जीवन चे पाणीया ची नदी ङिखाणली। जको नरीकार ते मैमणे चे सिंहासन कनु निकलती कर ओ शहरा ची सड़के चे आधी मां बेहती।