यूहन्‍ना 3:27 - ओङ राजपूत

²⁷ यूहन्‍ना ने उत्तर ङिला, “जब तक बन्दे नु स्वर्ग़ा कनु ना ङिले जई, तब तक ओह कहीं ना गे सग़ी।

यूहन्‍ना 3:27 ပူးပေါင်းရင်းမြစ်များ

मत्ती 21:25

यूहन्‍ना चा बपतिस्मा किठु हुता ? स्वर्ग़ा ची ओर कनु जा इन्साना ची ओर कनु ?” तब वे आपस मां तर्क करु लाग़ले, “अगर अम्ही किहुं, ‘स्वर्ग़ा ची ओर कनु ,’ तां ओ अम्हानु किही, ‘बल्ति तम्ही ओचा विश्‍वास कां कोनी करला?’

मत्ती 25:15

ओणे हेके नु पाँच घड़े ङुजे नु ङोन, ते तीजे नु हेक, यानि हर हेके नु ओची ताकत चे मुताबिक ङिले, ते बल्ति प्रदेस चाह्‍ला गेला।

मरकुस 13:34

हा ओ इन्साना ची दशा छै, जको प्रदेस जते बेले आपणे घर छोड़ती जाये ते आपणे दासा नु अधिकार ङियो, ते हर हेक नु ओचे काम बावड़ती ङियो, ते द्वारपाल नु जाग़ते रेहणे ची आज्ञा ङियो।

यूहन्‍ना 10:41

घणे सारे लौक ओचे गोढु आती कर केहते, “यूहन्‍ना ने तां कुई चैन्ह कोनी ङिखाणला, पर यूहन्‍ना ने जको कोच्छ ऐ बन्दे चे बारे मां केहले हुते ऊं सारे सच्‍च हुते।”

यूहन्‍ना 6:65

ईशु ने केहले, “ऐवास्ते मैं तम्हानु केहले हुते कि माये गोढु तब तक कुई ना आ सग़ी जब तक ब़ा नरीकार ओनु माये गोढु भेज़णे ची इजाजत ना ङिती ङी।”

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 12:6

ते जबकि ओ अनुग्रह चे अनुसार जको अम्हानु ङिला गेला, अम्हानु अलग़-अलग़ वरदान मिड़ले, तां जानु भविष्यवाणी चा वरदान मिड़ला आला हो, ओ विश्‍वासा चे अनुसार भविष्यवाणी करो।

1 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे ईशु मसीह चा प्रेरित हुवणे वास्ते हकारला गेला ते विश्‍वासी भऊ सोस्थिनेस चे तरफु,

1 कुरिन्थियां 12:11

पर ये सारे काम ओही हेक पवित्र आत्मा करवावे ते जानु जको चाहवे ओ बांटती ङिये।

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 3:5

अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले।

1 कुरिन्थियां 4:7

कूण किहे कि तम्ही नेरा कनु श्रेष्ट छिवा? छै का तम्चे कनु, जको तम्हानु काये जरिये ङिले ना गेले हो, जब ईं तम्हानु काये जरिये ही ङिले गेले? तां तम्ही घमण्डा मां कां भरीजा, मनती गिहा कि ईं तम्हानु काये जरिये कोनी ङिले गेले?

गलातियां 1:1

पौलुस नु प्रेरित चा अधिकार, ना इन्साना ची ओर कनु ते ना ही इन्साना चे तरफु, बल्कि ईशु मसीह ते नरीकार ब़ा चे जरिये, जेह्णे ईशु मसीह नु मरले आला महु जिवाले, मिड़ला।

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।