यूहन्‍ना 21:5 - ओङ राजपूत

⁵ तब ईशु ने वानु केहले, “हे माये मित्र, तम्चे कनु कोच्छ माछलीया छी का?” वाणे उत्तर ङिला कि, “कोनी।”

यूहन्‍ना 21:5 ပူးပေါင်းရင်းမြစ်များ

मत्ती 14:15

जिसे बेले ङिओ थोला तां ओचे चैले ओचे गोढु आती कर किहुं लाग़ले, “हा बरब्यान जग़हा छै, ते देर हुवे पली, लौका नु विदा कर, कि वे बस्तीया मां जती कर आपणे वास्ते खाणे मोल गिहो।”

मरकुस 8:7

वांचे कनु थोड़ीया जा छोटीया माछलीया वी हुतीया, ईशु ने नरीकारा चा धन्यवाद करती कर वानु लौका चे आग़ु मेहलणे ची आज्ञा ङिली।

फिलिप्पियां 4:19

ते माया नरीकार आपणे अपार धन चे अनुसार जको घणी महिमा लारे मसीह ईशु मां छै तम्ची हर हेक घटी पुरी करी

इब्रानियां 13:5

आपणे जीवन नु धन चे लालच कनु दूर राखा, ते जको तम्चे गोढु छै, ओचे उपर संतुष्टी करा, कांकि नरीकारा ने आप केहले, “मैं तनु कङी ना छोड़ी, ते ना कङी तनु त्याग़ी।”

1 यूहन्‍ना 2:13

हे ब़ाला आले, मैं तम्हानु ऐवास्ते लिखे पला जको शुरु कनु छै, तम्ही ओनु जाणा। हे जवानु, मैं तम्हानु ऐवास्ते लिखे पला कि तम्ही ओ दुष्टा उपर जय पाली। हे माई प्यारी ब़ाले, मैं तम्हानु ऐवास्ते लिखे पला कि तम्ही ब़ा नरीकारा नु जाणती गेले।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।