यूहन्‍ना 20:19 - ओङ राजपूत

¹⁹ ओही ङिओ जको हफ्ते चा पेहला ङिओ हुता,आथण चे बेले जब उठली दरवाजी जिठे चैले हुते, यहूदिया चे ङरा कनु बन्द हुती, तब ईशु आला ते वांचे आधे मां भिले रेहती कर वानु केहले, “तम्हानु शान्ति मिलो!”

यूहन्‍ना 20:19 ပူးပေါင်းရင်းမြစ်များ

मत्ती 10:13

अगर ओ घरा चे लौक लायक हुवे तां तम्ची शान्ति वांचे उपर पुज़ी, अगर वे लायक नी हुवे तां तम्ची शान्ति तम्चे गोढु वापिस आती जई।

मत्ती 18:20

कांकि जिठे ङोन जा तीन जणे माये नांवा उपर भेले हुवी, ओठे मैं वांचे बीच मां मौजुद रिहे।”

मरकुस 16:14

बादा मां जिसे बेले ओचे ग्यारा चैले रोटी खई पलते ले, ओ वांचे सामणे प्रकट हुला। ते ओणे वानु वांचे अविश्‍वास उपर ते वांची मना ची कठोरता उपर दड़काले, कांकि जेह्णे ओनु जीते हुवणे चे बादा मां ङेखले हुते, यांणे ओचा विश्‍वास कोनी करला हुता।

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

यूहन्‍ना 16:22

यूंही, तम्हानु वी ङोख हुवी, पर मैं तम्हानु बल्ति मिली तम्चे मन खुशी लारे भरीती जई, तम्ची खुशी कुई वी तम्हा कनु खौश ना सग़ी।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

यूहन्‍ना 20:21

ईशु ने बल्ति वानु केहले, “तम्हानु शान्ति मिलो! यूंही जिंवे ब़ा नरीकारा ने मनु भेज़ले, मैं वी तम्हानु यूंही भेज़े पला।”

यूहन्‍ना 20:26

आठ ङिहां चे बाद ईशु चे चैले घरा चे भीतर हुते, ते थोमा वांचे लारे हुता ते दरवाजे बन्द हुते। बल्ति वी ईशु आला वांचे बीच मां भिला रेहती कर वानु केहले, “तम्हानु शान्ति मिलो।”

यूहन्‍ना 21:1

यां बाता चे बाद ईशु ने आपणे आप नु तिबिरियास झील चे किनारे चैला चे सामणे प्रकट हुला। ते ये रीत लारे प्रकट हुला।

यूहन्‍ना 21:14

हा तीजी वारी छै कि ईशु मरले आला महु जीते हुवणे चे बाद चैला नु दर्शन ङिले।

यूहन्‍ना 7:13

तां वी यहूदी नेता चे ङरा कनु कुई बन्दे ओचे बारे खुलती कर कोनी ब़ोले पलते।

प्रेरितां चे काम 1:3

ते ओणे ङोख चवणे चे बाद घणे सारे पक्‍के सबूता लारे आपणे आप वानु जीते ङिखाणले ते चालीस ङिहां तक ओ वानु ङिसता रेहला, ते नरीकारा चे राज़ चा बाता करता रेहला।

रोमियां 15:33

शान्ति चा नरीकार तम्चे सारा चे लारे रिहो। आमीन।

1 कुरिन्थियां 15:5

ते पतरस नु ओचे बाद ब़ारहा प्रेरितां महु बचला आला नु वी ङिसला हुता।

इफिसियां 2:14

प्रभु ईशु मसीह ही छै जको अम्चा मेल-मिलाप कराणे आला छै, ओणे यहूदी ते नेरीया जातिया ची नफरत ची कन्धे नु आपणी कुर्बानी लारे ढाती ङुंहु नु हेक करती ङिले।

इफिसियां 6:23

ब़ा नरीकार ते प्रभु ईशु मसीह ची ओर कनु भावां नु शान्ति ते विश्‍वास समेत प्रेम मिलो।

फिलिप्पियां 1:2

अम्चे ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलो।

2 थिस्सलुनीकियां 3:16

हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।

इब्रानियां 7:2

ओनु अब्राहम ने योद्ध मां जीतलीया आलीया सब चीजा चा ङसवां हेंस्सा वी ङिला। मेलिकिसिदक नांवा चा पेहला मतलब छै धार्मिकता चा राजा ते ङुजा मतलब शान्ति चा राजा कांकि ओ शालेम शहरा चा राजा हुता।

3 यूहन्‍ना 1:14

मनु आस छै कि दुधे लारे जल्दी भेंट करी, तब अम्ही आमणे-सामणे बातचीत करु।

प्रकाशितवाक्य 1:4

यूहन्‍ना ची ओर कनु आसीया चीया सात कलीसिया चे नांवे: ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी,