यूहन्‍ना 20:17 - ओङ राजपूत

¹⁷ ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

यूहन्‍ना 20:17 ပူးပေါင်းရင်းမြစ်များ

मत्ती 12:50

कांकि जको कुई माये ब़ा ची जको स्वर्ग़ा मां छै, ओची इच्छा उपर चले, वे ही माये भऊ, ते ब़ेहण, ते माई आई छै।”

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 28:7

ते जल्दी जावा ते ओचे चैला नु किहा कि ओ मरला आला महु जीता हुती गेला, ते ओ तम्चे कनु पेहले गलील मां जाये पला, तम्ही उठी ओनु ङेखा। मैं तम्हानु केहती ङिले।”

मरकुस 12:26

मरले आला चे जीते हुवणे चे बारे मां का तम्ही मूसा ची किताबे मां झाड़ी ची कथा मां कोनी पढ़ले कि नरीकारा ने ओनु केहले, ‘मैं अब्राहम चा नरीकार, ते इसहाक चा नरीकार, ते याकूब चा नरीकार छै’ ?

मरकुस 16:19

प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला।

लूका 10:4

ऐवास्ते ना ब़टुवा, ना झोली, ना जुत्तीया चवा, ते ना मार्ग़ा मां कानु नमस्कार करा।

यूहन्‍ना 13:1

फसह चे तेंहवार चे पेहले, ईशु नु पता लाग़ला कि ओची वा घड़ी आती गेली कि संसार छोड़ती कर नरीकारा ब़ा चे गोढु जाये। तां आपणे लौका लारे जको संसारा मां हुते, जिंवे प्रेम ओ राखता आखरी तक उसड़ा ही प्रेम करता रेहला।

यूहन्‍ना 13:3

ईशु ने ईं जाणती कर कि नरीकारा ब़ा ने सब कोच्छ ओचे हाथा मां करती ङिले, ते ओ नरीकारा कनु आला ते नरीकारा चे गोढु जाये पला,

यूहन्‍ना 14:2

माये ब़ा चे घरा मां ब़ोहत सारी रेहणे ची जग़हा छै, अगर ना हुवीया तां, मैं तम्हानु केहती ङिया। कांकि मैं तम्चे वास्ते जग़हा तियार करने वास्ते जाये पला।

यूहन्‍ना 14:28

तम्ही मनु केहते हुले सुणले, ‘मैं जाये पला ते तम्चे गोढु बल्ति आवी।’ अगर तम्ही माये प्रेम राखते, तां यां बाता कनु खौश हुवा हा कि मैं ब़ा चे गोढु जाये पला, कांकि ब़ा माये कनु बङा छै।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 16:28

मैं ब़ा ची तरफु संसारा मां आला, मैं बल्ति संसारा नु छोड़ती कर ब़ा चे गोढु जाये पला।”

यूहन्‍ना 17:11

मैं उग़ते संसारा मां नी रिही, पर ये संसारा मां रिहे, ते मैं दुधे गोढु आवे पला। हे पवित्र ब़ा, आपणे ओ नांवा ची ताकत लारे जको तु मनु ङिले, वांची रक्षा कर, कि वे अम्चे आलीकर हेक हुती जाओ।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 17:5

हमा, हे पिताजी, तु आपणे लारे माई महिमा वे महिमा लारे कर जको संसारा ची सृष्टि कनु पेहले माई दुधे लारे हुती।

यूहन्‍ना 20:27

बल्ति ईशु ने थोमे नु केहले, “आ आपणी आंगली नाख, ते माये हाथा नु ङेख। आपणा हाथ आणती कर माये पासे मां घाल। वहम करना छोड़ पर विश्‍वास कर।”

यूहन्‍ना 7:33

ईशु ने केहले, “मैं थोड़ी देरी वास्ते तम्चे लारे छै, बल्ति आपणे भेज़णे आले गोढु चाह्‍ला जई।

रोमियां 8:29

कांकि जानु ओणे पेहले कनु ही चुणती गेले वानु पेहले कनु ठहराले वी छै कि ओचे पूता चे स्वरूप मां हो ताकि ओ घणे भावां मां पलेठी चा ठहरो।

2 कुरिन्थियां 6:18

ते मैं तम्चा ब़ा हुवै, ते तम्ही माये पूत ते धूवा हुवा, हा सर्वशक्‍तिमान प्रभु नरीकारा चा वचन छै।”

गलातियां 3:26

कांकि तम्ही सारे ओ विश्‍वास लारे जको ईशु मसीह उपर छै, नरीकारा ची ऊलाद्ध छिवा,

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

इब्रानियां 8:10

बल्ति प्रभु किहे, कि जको वाचा मैं वां ङिहां चे बाद, इस्राएल चे घराणे लारे ब़ांधी, वा हा छै कि, मैं आपणी व्यवस्था नु वांचे मना मां नाखी, ते विनु वांचे दिला उपर लिखी, ते मैं वांचा नरीकार हुवी, ते वे माये लौक हुवे।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

प्रकाशितवाक्य 21:3

बल्ति मैं सिंहासन महु कानु ऊंची अवाजी मां हा केहते हुले सुणले कि, “ङेखा, नरीकारा चा डेरा लौका चे बीच मां छै, ओ वांचे लारे डेरा करी, ते वे ओचे लौक हुवे, ते नरीकार आप वांचे लारे रिही, ते वांचा नरीकार हुवी।

प्रकाशितवाक्य 21:7

जको जीतती जई, ओही यां चीजा चा वारिस हुवी, ते मैं ओचा नरीकार हुवी, ते ओ माया पूत हुवी।