यूहन्‍ना 2:11 - ओङ राजपूत

¹¹ ईशु ने जको अचम्भे चे काम गलील चे काना शहरा मां करले ईशु ने आपणा हा पेहला चैन्ह ङिखाणती कर आपणी महिमा प्रकट करली ते ओचे चैला ने ईशु उपर विश्‍वास करला।

यूहन्‍ना 2:11 ပူးပေါင်းရင်းမြစ်များ

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 1:43

ङुजे ङिओ ईशु गलील नु जाणे चाहवे ला। ओ फिलिप्पुस नु मिड़ला ते केहले, “माये भांसु हुती पड़।”

यूहन्‍ना 1:50

ईशु ने ओनु उत्तर ङिला, “मैं जको तनु केहले कि मैं तनु अंजीरा चे पेड़ा तले ङेखले, का तु ऐवास्ते विश्‍वास करी?। तु ऐकनु वी बङे-बङे काम ङेखे।”

यूहन्‍ना 10:41

घणे सारे लौक ओचे गोढु आती कर केहते, “यूहन्‍ना ने तां कुई चैन्ह कोनी ङिखाणला, पर यूहन्‍ना ने जको कोच्छ ऐ बन्दे चे बारे मां केहले हुते ऊं सारे सच्‍च हुते।”

यूहन्‍ना 11:15

मैं तम्चे कारण खौश छै कि मैं ओठे कोनी हुता, कांकि हमा तम्ही माये उपर विश्‍वास कर सग़ा। आवा अम्ही ओचे गोढु चालु।”

यूहन्‍ना 11:47

ऐचे पर प्रधान याजका ते फरीसिया ने महासभा हकारली ते केहले, “अम्ही करु का? ईं बन्दे तां घणे चमत्कार चे चैन्ह ङिखाणे।

यूहन्‍ना 12:18

ऐवास्ते लौक ओनु मिलणे वास्ते आले, कांकि वाणे सुणले हुते कि ओणे हा चमत्कार चा चैन्ह ङिखाणला।

यूहन्‍ना 12:37

ओणे वांचे सामणे इतने चैन्ह ङिखाणले, तां वी वाणे ओचे उपर विश्‍वास कोनी करला।

यूहन्‍ना 12:41

यशायाह ने ये बाता नु ऐवास्ते केहले कि ओणे ईशु ची महिमा ङेखली ते ओणे ओचे बारे मां बाता करलीया।

यूहन्‍ना 14:13

जको कोच्छ तम्ही माये नांवा लारे मांगा ऊंही मैं ङिही, कि पूता चे जरिये ब़ा ची महिमा हो।

यूहन्‍ना 16:27

माया ब़ा तां आप ही तम्चे लारे प्रेम करे कांकि तम्ही माये लारे प्रेम करला ते हा वी विश्‍वास करला कि मैं नरीकारा ची तरफु आला।

यूहन्‍ना 16:30

हमा अम्हानु पता लाग़ती गेला कि तु सब कोच्छ जाणी ऐची जरुरत कोनी कि कुई दुधे कनु पूछो। ऐचे कनु अम्ही विश्‍वास करु कि तु नरीकारा ची तरफु आला।”

यूहन्‍ना 2:1

तीजे ङिओ गलील चे काना शहर मां काया बीहा हुता। ईशु ची आई वी ओठे आली हुती,

यूहन्‍ना 2:23

फसह चे तेंहवारा चे बेले ईशु यरुशलेम मां हुता, ब़ोहत लौका ने चैन्ह नु जको ओह ङिखाणता ङेखती कर ओचे नांवा उपर विश्‍वास करला।

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 4:3

ऐवास्ते ईशु यहूदिया नु छोड़ती कर बल्ति गलील इलाके नु चाह्‍ला गेला।

यूहन्‍ना 4:46

ओ बल्ति गलील चे काना शहरा मां आला, जिठे ओणे पाणीया नु दाखरस बणाले हुते। ओठे राजे चा हेक कर्मचारी हुता जाया पूत कफरनहूम मां बिमार हुता।

यूहन्‍ना 4:54

ईं ङुजे अचम्भे चे काम हुते, जको ईशु ने यहूदिया कनु गलील मां आती कर ङिखाणले।

यूहन्‍ना 5:23

ऐवास्ते कि सारे लौक जिंवे ब़ा चा कद्दर करी यूंही पूता चा वी कद्दर करा। जको पूता चा कद्दर ना करी ओह ब़ा चा जेह्णे ओनु भेज़ले कद्दर ना करी।

यूहन्‍ना 6:14

बल्ति वे बन्दी ऐ अचम्भे चे कामा चे चैन्ह नु ङेखती कर किहुं लाग़ली, “पक्‍के ही ईं बन्दे भविष्यवक्‍ता छै जको संसारा मां आणा हुता ईं छै।”

यूहन्‍ना 6:2

हेक बङी भीड़ ओचे भांसु टुरती पली कांकि जको अचम्भे चे कामा चे चैन्ह ईशु करता बिमारा नु ठीक करने चे वास्ते भीड़ वानु ङेखती।

यूहन्‍ना 6:26

ईशु ने वानु केहले, “मैं तम्हानु सच्‍च-सच्‍च किहे पला, तम्ही मनु ऐवास्ते कोनी सोधा पलते, कि अचम्भे चे कामा चे चैन्ह ङेखले, पर ऐवास्ते सोधा पलते कि तम्ही रज़ती कर रोटीया खालीया।

यूहन्‍ना 6:30

बन्दा ने ईशु कनु पूछले, “तु किसे अचम्भे चे चैन्ह ङिखाणी कि अम्ही ङेखती कर विश्‍वास करु? ते तु किसे काम ङिखाणी?

यूहन्‍ना 7:31

बल्ति वी भीड़ महु घणे सारा ने ओचे उपर विश्‍वास करला। ते बन्दी किहुं लाग़ले, “मसीह जिसे बेले आवी, का ऐकनु ज्यादा अचम्भे चे चैन्ह ङिखाणी जको ऐणे ङिखाणले?”

यूहन्‍ना 9:16

हा ङेखती कर नेरे फरीसी किहुं लाग़ले, “ऊं बन्दे नरीकारा ची तरफा कनु कोनी, कांकि ओह सब्त चा ङिओ ना मनी।” ङुजा ने केहले, “पापी बन्दे इसड़े चैन्ह किवें ङिखाण सग़े?” वांचे मां फूट पड़ली गेली।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:17

कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

1 यूहन्‍ना 5:13

जको नरीकारा चे पूता चे नांवा उपर विश्‍वास करी, ये बाता मैं तम्हानु ऐवास्ते लिखलीया, कि तम्ही जाणा, कि अनन्त जीवन तम्चा छै।