यूहन्‍ना 18:37 - ओङ राजपूत

³⁷ पिलातुस ने ओनु केहले, “तां का तु राजा छी?” ईशु ने उत्तर ङिला, “तु किही कि मैं राजा छै। मैं ऐवास्ते जनम गेहला ते ऐवास्ते संसारा मां आला छै कि सच्‍चाई ची ग़वाही ङिये। जको कुई सच्‍चाई चे छै, ऊं माये शब्द सुणे।”

यूहन्‍ना 18:37 ပူးပေါင်းရင်းမြစ်များ

मत्ती 26:64

ईशु ने ओनु केहले, “तु आप ही केहती ङिले, बल्कि मैं तम्हानु ईं वी किहे पला कि हमा कनु तम्ही मैं इन्साना चे पूता नु, सर्वशक्‍तिमान चे सज़्ज़े पासु ब़ेहले, ते आसमाना चे बदला उपर आते ङेखा।”

मत्ती 27:11

जिसे बेले ईशु राज्यपाल चे सामणे भिला हुता तां राज्यपाल ने ईशु कनु पूछले, “का तु यहूदिया चा राजा छी?” ईशु ने ओनु केहले, “तु आप ही किही पला।”

मरकुस 14:62

ईशु ने केहले, “मैं छै, ते तम्ही मैं इन्साना चे पूता नु सर्वशक्‍तिमान चे सज़्ज़े पासु ब़ेहले ते आसमाना चे बदला लारे आते ङेखा।”

मरकुस 15:2

पिलातुस ने ओकनु पूछले, “का तु यहूदिया चा राजा छी?” ईशु ने ओनु उत्तर ङिला, “तु आप ही किही पला।”

लूका 22:70

ऐचे उपर सारा ने केहले, “तां का तु नरीकारा चा पूत छी?” ओणे वानु केहले, “तम्ही आप ही किहा पले, कांकि मैं छै।”

लूका 23:3

पिलातुस ने ईशु कनु पूछले, “का तु यहूदिया चा राजा छी?” ओणे ओनु उत्तर ङिला, “तु आप ही किही पला।”

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 3:32

जको कहीं ओणे ङेखले ते सुणले, ओची ग़वाही ङिये, ते कुई ओची ग़वाही ग्रहण ना करी।

यूहन्‍ना 7:17

अगर कुई ओची इच्छा उपर चलणे चाहवे तां ओ माया उपदेशा चे बारे मां जाणती जई कि ईं नरीकारा चे तरफु छै जा मैं आपणे तरफु किहे पला।

यूहन्‍ना 8:14

ईशु ने वानु उत्तर ङिला, “कि अगर मैं आपणी ग़वाही आप ङिये, तां वी माई ग़वाही सच्‍ची छै, कांकि मैं जाणे कि मैं किठु आला ते किठे जाये पला। पर तम्ही ना जाणा कि मैं किठु आला ते किठे जाणे।

यूहन्‍ना 8:45

पर मैं सच्‍च ब़ोले, ऐवास्ते तम्ही माया विश्‍वास ना करा।

यूहन्‍ना 8:46

तम्चे महु कूण मनु पापी ठहरावे? अगर मैं सच्‍च ब़ोले, तां तम्ही माया विश्‍वास कां ना करा?

यूहन्‍ना 8:47

जको नरीकारा चे तरफु छै, ऊं नरीकारा चा ही बाता सुणे। तम्ही ऐवास्ते ना सुणा कि नरीकारा चे तरफु कोनी।”

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 यूहन्‍ना 2:21

मैं तम्हानु ऐवास्ते कोनी लिखले कि तम्ही सच्‍चाई नु ना जाणते, तम्ही सच्‍चाई नु जाणा, ते हा वी जाणा कि जिठे सच्‍चाई छै ओठे कूड़ कोनी।

1 यूहन्‍ना 3:14

अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।

1 यूहन्‍ना 3:19

ऐचे कनु अम्ही जाणु कि अम्ही सच्‍चाई चे छिऊं, ते नरीकारा चे सामणे आपणे मना मां हिम्मत कर सग़ु।

1 यूहन्‍ना 4:6

अम्ही नरीकारा चे छिऊं। जको नरीकारा नु जाणे, ओ अम्ची सुणे, जको नरीकारा नु ना जाणी, ओ अम्ची ना सुणी। यूंही अम्ही सच्‍चाई ची आत्मा ते भ्रम ची आत्मा नु पिछाणती गिहुं।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

प्रकाशितवाक्य 1:4

यूहन्‍ना ची ओर कनु आसीया चीया सात कलीसिया चे नांवे: ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी,

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,