यूहन्‍ना 17:24 - ओङ राजपूत

²⁴ “हे ब़ा, मैं चाहवे कि जानु तु मनु ङिले जिठे मैं छै ओठे वे वी माये लारे हो, कि वे माई वा महिमा ङेखो, जको तु मनु ङिली कांकि तु संसारा ची उत्पत्ति चे पेहले माये लारे प्रेम राखला।

यूहन्‍ना 17:24 ပူးပေါင်းရင်းမြစ်များ

मत्ती 25:21

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

मत्ती 25:23

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 26:29

मैं तम्हानु किहे पला कि अंगूरा चा हा रस ओ ङिओ तक कङी नी पिही, जब तक तम्चे लारे आपणे ब़ा चे राज़ मां नवां ना पीयें।”

लूका 12:37

धन्‍न छै, ओ दास, जानु मालिक आती कर सुज़ाक ङेखे, मैं तम्हानु सच्‍च किहे पला, कि ओ कमर कसती कर वानु खाणे उपर ब़िसाणी, ते गोढु आती वांची सेवा करी।

लूका 23:43

ईशु ने ओनु केहले, “मैं तनु सच्‍च किहुं पला कि आज़ ही तु माये लारे स्वर्ग़ मां हुवे।”

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

यूहन्‍ना 14:3

अगर मैं जती तम्चे वास्ते जग़हा तियार करे, ते बल्ति आती तम्हानु गेहती जाये कि जिठे मैं रिहे उठे तम्ही वी रिहा।

यूहन्‍ना 15:9

जिंवे ब़ा ने माये लारे प्रेम करला यूंही मैं तम्चे लारे प्रेम करला। माये प्रेम मां बणले रिहा।

यूहन्‍ना 17:2

कांकि तु ओनु सारे जींया उपर अधिकार ङिला छै, कि जानु तें ओनु ङिले वां सब नु ओ अनन्त जीवन ङियो।

यूहन्‍ना 17:22

वा महिमा जको तु मनु ङिली मैं वानु ङिली, कि वे यूंही हेक हो जिंवे कि अम्ही हेक छिऊं।

यूहन्‍ना 17:5

हमा, हे पिताजी, तु आपणे लारे माई महिमा वे महिमा लारे कर जको संसारा ची सृष्टि कनु पेहले माई दुधे लारे हुती।

यूहन्‍ना 6:37

हर हेक बन्दे जको नरीकारा ने मनु सोंपले वे माये गोढु आवे, जको माये गोढु आवे मैं वानु कङी वी नी काढ़ी।

यूहन्‍ना 6:39

माये भेज़णे आले ची हाओ मर्जी छै, ओणे जको कहीं मनु सोंपले वांचे महु मैं कनु गार ना करे, ते अन्त चे समय उपर वा सारा नु जीते करती ङिही।

यूहन्‍ना 8:58

ईशु ने वानु केहले, “तम्हानु सच्‍च-सच्‍च किहे पला अब्राहम चे पैदा हुले कनु पेहले, मैं छै।”

1 कुरिन्थियां 13:12

हमा अम्हानु शीशे मां धुंधले जा ङिसे पर ओ बेले अम्ही आमणे-सामणे ङेखु। ऐ बेले माया ज्ञान अधूरा छै, पर ओ बेले माया ज्ञान उसड़ा ही हुती जई, जिसड़ा ऐ बेले माये बारे मां नरीकारा जाणे।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

2 कुरिन्थियां 5:8

ऐवास्ते अम्ही हिम्मत ब़ांहली रिहुं, ते शरीरा नु छोड़ती कर प्रभु चे लारे रेहणे होर वी आच्छे समझु।

फिलिप्पियां 1:23

कांकि मैं ङुंहु चे आधे मां अधर लटकला पला, जी तां चाहवे कि आपणे जीवना कनु विदा हुती कर मसीह चे गोढु चाह्‍ला जाये। कांकि ईं माये वास्ते घणे आच्छे छै।

1 थिस्सलुनीकियां 4:17

तब अम्ही जको ओ समय तक जीते ते बचले रिहुं, वांचे लारे बदला उपर-उपर चवीती जहु, कि हवाई मां प्रभु लारे मिलु, ते ऐह रीति लारे अम्ही सदा प्रभु लारे रिहुं।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

प्रकाशितवाक्य 21:22

ते मैं कुई ओचे मां मन्दर कोनी ङेखला, कांकि सर्वशक्‍तिमान प्रभु नरीकार, ते मैमणे ओचा मन्दर छै।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।