यूहन्‍ना 17:19 - ओङ राजपूत

¹⁹ वांचे वास्ते मैं आपणे आप नु पवित्र करती कर दुधी सेवा मां ङिये पला, कि वे वी सच्‍चाई लारे पवित्र हुती कर दुधी सेवा करो।

यूहन्‍ना 17:19 ပူးပေါင်းရင်းမြစ်များ

यूहन्‍ना 10:36

तां मनु जको ब़ा ने पवित्र बणाती कर दुनिया मां भेज़ले, तम्ही कां किहा कि मैं निन्दा करे पला, कांकि मैं केहले, ‘मैं नरीकारा चा पूत छै?’

यूहन्‍ना 15:13

ऐकनु बङा प्रेम काया वी कोनी कि कुई आपणे मित्रा वास्ते आपणी जान ङिये।

यूहन्‍ना 15:3

यूं करती तम्ही ओ वचना ची वजह कनु जको मैं तम्हानु केहले, पेहले कनु सुथरे छिवा।

यूहन्‍ना 17:17

सच्‍चाई चे जरिये तु वानु सेवा चे कामा मां पवित्र कर। दुधा वचन सच्‍चा छै।

यूहन्‍ना 17:20

“मैं हेको यांचे वास्ते प्राथना ना करी, पर वांचे वास्ते वी जको वांचे वचना चे जरिये माये उपर विश्‍वास करे।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

2 कुरिन्थियां 4:15

सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।

2 कुरिन्थियां 7:14

कांकि अगर मैं ओचे सामणे तम्चे बारे मां कुई घमण्ड ङिखाणला, ते शर्माला कोनी, पर जिंवे अम्ही तम्चे लारे सारीया बाता सच्‍च-सच्‍च केहती ङिलतीया, यूहीं अम्ची घमण्ड ङिखाणना तीतुस चे सामणे वी सच्‍च निकड़ला।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

1 थिस्सलुनीकियां 4:7

कांकि नरीकारा ने अम्हानु अशुद्ध हुवणे वास्ते कोनी, पर पवित्र हुवणे वास्ते हकारले।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

इब्रानियां 9:13

कांकि व्यवस्था चे अनुसार जब ब़करा ते ङान्दा चे लुहीं ते बछड़ी ची कैरी अपवित्र लौका उपर छंडकणे लारे शरीरा ची शुद्धता वास्ते पवित्र करे,

इब्रानियां 9:18

ऐवास्ते पेहली वाचा वी बिना लुहींया चे कोनी ब़ांहली गेली।

इब्रानियां 9:26

ना तां जग़त ची उत्पत्ति कनु गेहती कर मसीह नु बार-बार ङोख चवणे पड़ी हा। पर हमा युगा चे अन्त मां ओ सारा वास्ते हेको ही बार खौद्द आपणी ही बलि चे जरिये पाप नु मिटाती ङेणे वास्ते प्रकट हुती गेला।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।