यूहन्‍ना 17:18 - ओङ राजपूत

¹⁸ जिंवे तु मनु संसारा मां भेज़ले, यूंही मैं वी वानु संसारा मां भेज़ले।

यूहन्‍ना 17:18 ပူးပေါင်းရင်းမြစ်များ

मत्ती 10:5

यां ब़ारहा नु ईशु ने हा आज्ञा ङिती कर भेज़ले, “नेरीया जातिया सनु ना जजा, ते सामरिया चे कुई शहरा मां ना घिरजा।

मत्ती 23:34

ऐवास्ते ङेखा, मैं तम्चे गोढु भविष्यवक्‍ता ते ब़ुध्दिमान ते शास्त्रीया नु भेज़े पला, ते तम्ही वांचे महु कईयां नु मारती नाखा ते क्रूसा उपर चढ़ावा, ते कईयां नु प्राथनाघरा मां कोड़े मारा ते हेक शहरा कनु ङुजे शहरा मां दुरकाणते फिरा।

यूहन्‍ना 17:21

हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

यूहन्‍ना 17:23

मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 17:8

कांकि जको वचन तु मनु ङिले मैं वे वानु पुचाती ङिले ते वाणे ओनु ग्रहण करले। ते सच्‍च-सच्‍च जाणती गेले कि मैं दुधे तरफु आला, ते विश्‍वास करती गेला कि तु ही मनु भेज़ले।

यूहन्‍ना 20:21

ईशु ने बल्ति वानु केहले, “तम्हानु शान्ति मिलो! यूंही जिंवे ब़ा नरीकारा ने मनु भेज़ले, मैं वी तम्हानु यूंही भेज़े पला।”

यूहन्‍ना 3:17

नरीकारा ने आपणे पूता नु संसारा मां ऐवास्ते कोनी भेज़ले कि संसारा उपर ङण्ड ची आज्ञा ङियो, पर ऐवास्ते कि संसार ओचे जरिये उद्धार गिहो।

यूहन्‍ना 4:38

मैं तम्हानु ओ खेत बाढणे वास्ते भेज़ले जाये मां तम्ही मेहनत कोनी करली। ङुजा ने मेहनत करली, ते तम्ही वांची मेहनती चे फल मां भईवाल हुले।”

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

इफिसियां 3:7

मैं नरीकारा चे अनुग्रह चे ओ दान चे अनुसार, जको ओची सामर्थ चे प्रभाव चे अनुसार मनु ङिला गेला, ओ सुसमाचार चा सेवक बणला।