यूहन्‍ना 17:11 - ओङ राजपूत

¹¹ मैं उग़ते संसारा मां नी रिही, पर ये संसारा मां रिहे, ते मैं दुधे गोढु आवे पला। हे पवित्र ब़ा, आपणे ओ नांवा ची ताकत लारे जको तु मनु ङिले, वांची रक्षा कर, कि वे अम्चे आलीकर हेक हुती जाओ।

यूहन्‍ना 17:11 ပူးပေါင်းရင်းမြစ်များ

मत्ती 10:16

“ङेखा, मैं तम्हानु भेङा आलीकर भेड़िया चे बीच मां भेज़े पला, ऐवास्ते नाग़ा आलीकर ब़ुध्दिमान ते कबूतरा आलीकर भोले बणा।

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

मत्ती 6:9

“तां, तम्ही ये रीति लारे प्राथना करले करा, “ ‘हे अम्चा ब़ा, तु जको स्वर्ग़ा मां छी, दुधे नां पवित्र मनले जाओ।

यूहन्‍ना 13:1

फसह चे तेंहवार चे पेहले, ईशु नु पता लाग़ला कि ओची वा घड़ी आती गेली कि संसार छोड़ती कर नरीकारा ब़ा चे गोढु जाये। तां आपणे लौका लारे जको संसारा मां हुते, जिंवे प्रेम ओ राखता आखरी तक उसड़ा ही प्रेम करता रेहला।

यूहन्‍ना 13:3

ईशु ने ईं जाणती कर कि नरीकारा ब़ा ने सब कोच्छ ओचे हाथा मां करती ङिले, ते ओ नरीकारा कनु आला ते नरीकारा चे गोढु जाये पला,

यूहन्‍ना 14:20

ओह ङिओ तम्हानु पता लाग़ी कि मैं आपणे ब़ा मां छै, ते तम्ही माये मां, ते मैं तम्चे मां।

यूहन्‍ना 16:28

मैं ब़ा ची तरफु संसारा मां आला, मैं बल्ति संसारा नु छोड़ती कर ब़ा चे गोढु जाये पला।”

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

यूहन्‍ना 17:23

मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 17:6

“मैं दुधी महिमा भरले नांवा नु यां इन्साना उपर उजागर करले जानु तु संसारा महु मनु ङिले। वे दुधे हुते, ते तु वानु मनु ङिले ते वाणे दुधे वचना नु मनती गेले।

यूहन्‍ना 7:33

ईशु ने केहले, “मैं थोड़ी देरी वास्ते तम्चे लारे छै, बल्ति आपणे भेज़णे आले गोढु चाह्‍ला जई।

प्रेरितां चे काम 3:21

“जरुरी छै कि ईशु स्वर्ग़ा मां ओ समय तक रिहो जब तक कि सब बाता चा सुधार ना करती गिहो कि जाई चर्चा पुराणे समय कनु नरीकारा ने आपणे पवित्र भविष्यवक्‍ता चे मुँहा कनु करली हुती।

रोमियां 12:5

यूहीं अम्ही जको ब़ोहत सारे छिऊं, मसीह मां हेक शरीर हुती कर आपस मां हेके ङुजे चे अंग छिऊं।

रोमियां 9:17

कांकि पवित्रशास्त्र मां फिरौन चे बारे मां केहले गेले कि, “मैं तनु ऐवास्ते खड़े करले कि, दुधे मां हुती कर मैं सामर्थ ङिखाणे। ते माये नांवा चा प्रचार पुरी धरती उपर हो।”

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

गलातियां 3:28

हमा ना कुई यहूदी रेहला ना कुई यूनानी, ना कुई गुलाम रेहला ना कुई आजाद, ना मर्द रेहला ना कुई असतरी कांकि तम्ही सारे ईशु मसीह मां हेक छिवा,

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

फिलिप्पियां 2:9

ऐवास्ते नरीकारा ने वी ओनु ऊंचे कनु ऊंचे। जग़हा उपर भुकाणले ते ओनु ऊं नां ङिले जको सारा नांवा कनु श्रेष्ट नां छै,

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 9:24

कांकि मसीह ने ओ इन्साना चे हाथा चा बणले आले अति पवित्र स्थान मां जको सच्‍चे अति पवित्र स्थान चा प्रतिरुप छै, प्रवेश कोनी करला, पर स्वर्ग़ा मां प्रवेश करला कि अम्चे वास्ते, हमा नरीकारा चे सामणे ङिसो।

याकूब 4:4

हे व्यभिचारी बन्दी, का तम्ही ना जाणा, कि संसारा लारे मित्रता नरीकारा चे लारे बैर राखणे छै? ऐवास्ते जको कुई संसारा चे मित्र हुवणे चाहवे, ऊं आपणे आप नु नरीकारा चे बैरी बणावे।

1 पतरस 1:5

तम्ची रखवाली नरीकारा ची शक्‍ति लारे, विश्‍वास चे लारे ओ उद्धार वास्ते, जको आणे आले समय मां उजागर हुवणे आली छै, करली जई।

1 यूहन्‍ना 3:12

ते कैन चे समान ना बणा, जाया रिश्ता शैताना लारे हुता, जेह्णे आपणे भावां नु मारती ङिलते। ओनु किसी वजह लारे मारले हुते? ऐवास्ते कि ओचे काम बुरे हुते, ते ओचे भऊ हाबिल चे काम धर्म चे हुते।

1 यूहन्‍ना 5:19

अम्ही हा जाणु कि, अम्ही नरीकारा चे छिऊं, ते सारा संसार ओ शैताना चे बसा मां छै।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,

प्रकाशितवाक्य 15:4

हे प्रभु दुधे कनु कूण नी ङरी? ते दुधे नांवा ची महिमा कूण नी करी? कांकि सेर्फ तु ही पवित्र छी, ते सारीया जातिया आती कर दुधे सामणे ङण्डवत करे, कांकि दुधे न्यां चे काम उजागर हुती गेले।”

प्रकाशितवाक्य 19:12

ओचीया आँखीया जाखते ची लपटी आलीकर हुतीया। ते ओचे ठोङा उपर घणे सारे मुग़ट हुते। ते ओचे हेक नां लिखले आले छै, ते ओनु छोड़ती कर नेरे कुई वी ना जाणी।

प्रकाशितवाक्य 4:8

चऊं जींया चे छाऔ-छाऔ खांपे छी, ते चारो-तरफ ते भीतर आँख ही आँख छी, ते वे रात-ङिओ बिना आराम करले ईं केहते रिही, “पवित्र, पवित्र, पवित्र प्रभु नरीकार सर्वशक्‍तिमान, जको हुता ते जको छै ते जको आणे आला छै।”