यूहन्‍ना 16:28 - ओङ राजपूत

²⁸ मैं ब़ा ची तरफु संसारा मां आला, मैं बल्ति संसारा नु छोड़ती कर ब़ा चे गोढु जाये पला।”

यूहन्‍ना 16:28 ပူးပေါင်းရင်းမြစ်များ

लूका 24:51

ते वानु आशीष ङिते हुले ईशु वांचे कनु अलग़ हुती गेला ते स्वर्ग़ा उपर चती गेहला गेला।

लूका 9:51

ईशु चे उपर चवणे ची ङिहें पुरी हुवणे आली हुती, ते ईशु ने यरुशलेम जाणे चा विचार करला।

यूहन्‍ना 13:1

फसह चे तेंहवार चे पेहले, ईशु नु पता लाग़ला कि ओची वा घड़ी आती गेली कि संसार छोड़ती कर नरीकारा ब़ा चे गोढु जाये। तां आपणे लौका लारे जको संसारा मां हुते, जिंवे प्रेम ओ राखता आखरी तक उसड़ा ही प्रेम करता रेहला।

यूहन्‍ना 13:3

ईशु ने ईं जाणती कर कि नरीकारा ब़ा ने सब कोच्छ ओचे हाथा मां करती ङिले, ते ओ नरीकारा कनु आला ते नरीकारा चे गोढु जाये पला,

यूहन्‍ना 14:28

तम्ही मनु केहते हुले सुणले, ‘मैं जाये पला ते तम्चे गोढु बल्ति आवी।’ अगर तम्ही माये प्रेम राखते, तां यां बाता कनु खौश हुवा हा कि मैं ब़ा चे गोढु जाये पला, कांकि ब़ा माये कनु बङा छै।

यूहन्‍ना 16:10

धार्मिकता चे बारे मां, कांकि मैं ब़ा चे गोढु जाये पला, ते तम्ही मनु बल्ति नी ङेखा,

यूहन्‍ना 16:16

“थोड़ी देरी मां तम्ही मनु कोनी ङेखा, ते बल्ति थोड़ी देर बाद मनु ङेखा।”

यूहन्‍ना 16:30

हमा अम्हानु पता लाग़ती गेला कि तु सब कोच्छ जाणी ऐची जरुरत कोनी कि कुई दुधे कनु पूछो। ऐचे कनु अम्ही विश्‍वास करु कि तु नरीकारा ची तरफु आला।”

यूहन्‍ना 16:5

पर हमा मैं आपणे भेज़णे आले चे गोढु जाये पला। तम्चे महु कुई वी माये कनु ना पूछी, ‘तु किठे जई पला?’

यूहन्‍ना 17:11

मैं उग़ते संसारा मां नी रिही, पर ये संसारा मां रिहे, ते मैं दुधे गोढु आवे पला। हे पवित्र ब़ा, आपणे ओ नांवा ची ताकत लारे जको तु मनु ङिले, वांची रक्षा कर, कि वे अम्चे आलीकर हेक हुती जाओ।

यूहन्‍ना 17:13

“हमा मैं दुधे गोढु आवे पला, ते ये बाता संसारा मां किहे, कि वे माया आनन्द आपणे मां पूरा गिहो।

यूहन्‍ना 17:5

हमा, हे पिताजी, तु आपणे लारे माई महिमा वे महिमा लारे कर जको संसारा ची सृष्टि कनु पेहले माई दुधे लारे हुती।

यूहन्‍ना 8:14

ईशु ने वानु उत्तर ङिला, “कि अगर मैं आपणी ग़वाही आप ङिये, तां वी माई ग़वाही सच्‍ची छै, कांकि मैं जाणे कि मैं किठु आला ते किठे जाये पला। पर तम्ही ना जाणा कि मैं किठु आला ते किठे जाणे।

यूहन्‍ना 8:42

ईशु ने वानु केहले, “अगर नरीकार तम्चा ब़ा हुवीया तां, तम्ही माये लारे प्रेम राखा हा, कांकि मैं नरीकारा ची तरफु आला। मैं आपणे आप कोनी आला, पर ओणे मनु भेज़ले।