यूहन्‍ना 15:5 - ओङ राजपूत

⁵ “मैं अंगूरा ची बल्ह छै, तम्ही लड़ीया छिवा। अगर तम्ही माये मां बणले रिहा ते मैं तम्चे मां, ते ओ घणा फल फले। कांकि तम्ही माये कनु अलग़ हुती कहीं वी ना कर सग़ा।

यूहन्‍ना 15:5 ပူးပေါင်းရင်းမြစ်များ

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

यूहन्‍ना 12:24

मैं तम्हानु सच्‍च-सच्‍च किहे, कि जब तक कणकी चा ङाणा भोंये मां ढेती कर खत्तम ना हुती जई, ओ हेकला रिहे। पर जिसे बेले खत्तम हुती जाये, ते ब़ोहत फल आणे।

यूहन्‍ना 15:16

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

यूहन्‍ना 5:19

ऐचे उपर ईशु ने वानु केहले, “मैं तम्हानु सच्‍च-सच्‍च किहे पला, पूत आपणे आप कहीं वी ना कर सग़ी, सेर्फ ऊं जको ब़ा नु करते ङेखे, कांकि जिसे-जिसे काम ब़ा करे वानु पूत वी वे ही रीति लारे करे।

यूहन्‍ना 9:33

अगर ऊं बन्दे नरीकारा ची तरफा कनु ना हुवीया, तां कोच्छ वी ना कर सग़ीया।”

प्रेरितां चे काम 4:12

ते कुई ङुजे चे जरिये उद्धार कोनी, कांकि सारे संसारा मां नेरे कुई ङुजे नां कोनी ङिले गेले, जाये जरिये अम्ही उद्धार गे सग़ु।”

रोमियां 12:5

यूहीं अम्ही जको ब़ोहत सारे छिऊं, मसीह मां हेक शरीर हुती कर आपस मां हेके ङुजे चे अंग छिऊं।

रोमियां 6:22

पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।

रोमियां 7:4

तां हे माये भऊ, तम्ही वी मसीह ची देह चे जरिये व्यवस्था वास्ते मरले आले बणती गेले कि मसीह चे हुती जऊं, जको मरला आला महु जीता हुती गेला, ताकि अम्ही नरीकारा चे वास्ते फल आणु।

1 कुरिन्थियां 10:16

ओ धन्यवाद चा मुंगर, जानु अम्ही धन्यवाद करु का ओ मसीह चे लुहींया मां अम्ची भईवाली कोनी? वा रोटी, जको अम्ही आपस मां भान्ती कर बांटु का मसीह चे शरीरा मां अम्ची भईवाली कोनी?

1 कुरिन्थियां 12:12

कांकि जिंवे करती शरीर तां हेक छै ते ओचे अंग घणे सारे छी, ते ओ हेक शरीरा चे सारे अंग ब़ोहत हुवणे पर वी सब मिलती कर हेक शरीर छै, यूं करती मसीह वी छै।

1 कुरिन्थियां 12:27

यूं करती तम्ही सारे मिलती कर मसीह चे शरीर छिवा तम्चे महु हर हेक ऐ शरीरा चे अंग छिवा।

2 कुरिन्थियां 13:8

कांकि अम्ही सच्‍चाई चे विरोध मां कोच्छ ना कर सग़ु, पर सच्‍चाई वास्ते ही कर सग़ु।

2 कुरिन्थियां 9:10

ओ नरीकार जको राहवणे आले नु बीज, ते खाणे वास्ते रोटी ङिये, ओही तम्हानु बीज वी ङिही, ते ओनु फलवन्त करी, ते तम्चे धार्मिकता चे फला नु बधावी।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 5:9

हर तरह ची निर्दोषीता भलाई ते सच्‍चाई मां सोज़ले चे फल छी।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 4:13

मसीह, जको मनु ताकत ङिये ओचे मां मैं सारीया दशा चा सामना कर सग़े।

फिलिप्पियां 4:17

हा बात कोनी कि मैं दान चाहवे, बल्कि तम्चे मां इसड़ी आशीष ङेखणा चाहवे जको दान ङेणे लारे आवे।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

1 पतरस 2:4

ओचे गोढु आती कर, जानु बन्दा ने तां निक्‍कमे ठहराले, पर नरीकारा चे गोढु चुणला आला, ते बेशकीमती जीता जाग़ता पत्थर छै।

2 पतरस 3:18

पर अम्चे प्रभु ते उद्धारकर्ता ईशु मसीह चे अनुग्रह ते पिछाण मां बधते जावा। ओची महिमा हमा वी हो ते युगानयुग तक हुती रिहो, आमीन।