यूहन्‍ना 15:21 - ओङ राजपूत

²¹ पर ईं सब कोच्छ वे माये नांवा ची वजह कनु तम्चे लारे करे, कांकि वे माये भेज़णे आले नु ना जाणी।

यूहन्‍ना 15:21 ပူးပေါင်းရင်းမြစ်များ

मत्ती 10:18

तम्ही माई वजह हाकिमा ते राजा चे सामणे, वांचे उपर, ते नेरीया जातिया चे उपर ग़वाह हुवणे वास्ते पुचाले जावा।

मत्ती 10:22

माये नांवा ची वजह कनु सारे लौक तम्चे लारे बैर राखे, पर जको अन्त तक सब्र करली रिही ओचा उद्धार हुवी।

मत्ती 10:39

जको आपणी जीन्दगी नु बचावणा चाहवे, ओ विनु गुंती ब़ेसी, ते जको माई वजह कनु आपणी जीन्दगी नु गुंवी, ओ विनु बचावी।

मत्ती 24:9

“तब वे क्लेश ङेणे चे वास्ते तम्हानु पकड़वावे, ते तम्हानु मारती नाखे, ते माये नांवा ची वजह कनु सारीया जातिया चे लौक तम्चे लारे बैर राखे।

मत्ती 5:11

“धन्‍न छिवा तम्ही, जब इन्साने माई वजह कनु तम्ची निन्दा करे, ते सतावे ते कूड़ मारती-मारती कर तम्चे विरोध मां सब प्रकार चीया बुरीया बाता किही।

मरकुस 13:13

ते माये नांवा ची वजह सारे लौक तम्चे लारे बैर राखे, पर जको अन्त तक सब्र करली रिही, ओचा उद्धार हुवी।

लूका 21:12

पर यां सब बाता कनु पेहले वे माये नांवा ची वजह तम्हानु पकड़े, ते सतावे, ते प्राथनाघरा मां सोंपे, ते कैदखाने मां नखवावे, ते राजा ते हाकिमा चे सामणे गेहती जाये।

लूका 21:17

माये नांवा ची वजह सारे लौक तम्चे लारे बैर राखे।

लूका 6:22

धन्‍न छिवा तम्ही, जब मैं इन्साना चे पूता ची वजह कनु लौक तम्चे लारे बैर राखे, ते तम्हानु काढ़ती छोड़े, ते तम्ची निन्दा करे, ते तम्चे नां बुरे जाणती कर कटती नाखे।

यूहन्‍ना 15:24

अगर मैं वांचे मां ऊं काम ना करियो जको मैं करले तां वे पापा चे भाग़ी ना हुवीया। पर हमा वाणे ङेखती गेले जको मैं करले। तां वी वे माये लारे ते माये ब़ा लारे बैर करी।

यूहन्‍ना 16:3

ते ईं वे ऐवास्ते करे कि वाणे ना ब़ा नु जाणले ते ना ही मनु जाणी।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 8:19

वाणे ईशु नु केहले कि, “दुधा ब़ा किठे छै?” ईशु ने उत्तर ङिला, “ना तम्ही मनु जाणा ते ना ही माया ब़ा नु। अगर तम्ही मनु जाणा हां तां माये ब़ा नु वी जाणा हा।”

यूहन्‍ना 8:54

ईशु ने उत्तर ङिला, “अगर मैं आप आपणी महिमा करे, तां माई महिमा कोच्छ कोनी। पर माई महिमा करने आला माया ब़ा नरीकार छै, जानु तम्ही किहा कि ‘ओ अम्चा नरीकार छै।’

यूहन्‍ना 8:55

तां वी तम्ही तां ओनु कोनी जाणले, पर मैं ओनु जाणे। अगर मैं किहे कि मैं ओनु ना जाणी, तां मैं वी तम्चे आलीकर कूड़ा ठहरी, पर मैं ओनु जाणे ते ओचे वचना उपर चले।

प्रेरितां चे काम 17:23

कांकि मैं घूमते-फिरते हुले तम्चीया पूजा करने आलीया चीजा नु ङेखले, ते मैं हेक इसड़ी वेदी ङेखली, जाये उपर ईं लिखले पलते ले, ‘अणजाणे ईश्‍वर चे वास्ते।’ ऐवास्ते जिसे नु तम्ही बिना जाणले पूजा, मैं तम्हानु ओचा समाचार सुणावे पला।

प्रेरितां चे काम 26:9

“मैं वी समझले हुते कि ईशु नासरी चे नांवा चे विरोध मां मनु ब़ोहत कोच्छ करने चाही छै।

प्रेरितां चे काम 3:17

“हमा हे माये भऊ, मैं जाणे कि ईं काम तम्ही ना समझी लारे करले, ते इसड़े ही तम्चे सरदारा ने वी करले।

प्रेरितां चे काम 4:17

पर ऐवास्ते कि हा बात लौका मां नेरी ज्यादा फैलती ना जाओ, अम्ही वानु धमकाऊं, कि वे ऐ नांवा लारे बल्ति कुई बन्दे लारे बाता ना करो।”

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

प्रेरितां चे काम 9:14

ते इठे तक वी ऐनू प्रधान याजका चे तरफु अधिकार मिड़ला आला छै, कि जको लौक दुधे नां गिही, वां सारा नु ब़ांथी गेहती जाओ।”

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

रोमियां 1:28

ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

1 कुरिन्थियां 15:34

खबरदार हुती जावा, पाप करने छोड़ती ङिया। ईं मैं तम्हानु कायल करने वास्ते ही किहे पला कांकि तम्चे महु कोच्छ तां नरीकारा नु जाणी ना।

1 कुरिन्थियां 2:8

ओ ज्ञान नु ऐ युगा चे कुई वी राजा ने कोनी जाणले कांकि अगर वे जाणती जईया, तां प्रभु नु क्रूसा उपर ना चढ़ावीया।

2 थिस्सलुनीकियां 1:8

ते जको नरीकारा नु ना पिछाणी, ते अम्चे प्रभु ईशु चे सुसमाचार नु ना मनी वाकनु पलटा हुवी।

1 यूहन्‍ना 3:1

विचार करती कर ङेखा, ब़ा ने अम्चे लारे किसड़ा प्रेम करला कि नरीकारा ची ऊलाद्ध किवाहुं, ते सच्‍चमां अम्ही छिऊं वी। संसार अम्हानु ना जाणी, कांकि संसारा ने ईशु मसीह नु कोनी जाणले।

3 यूहन्‍ना 1:7

कांकि वे मसीह चे नांवा चे वास्ते निकड़ले, ते जको नरीकारा नु ना मनी वाकनु कहीं वी ना गिही।

प्रकाशितवाक्य 2:3

तु सब्र करी ते माये नांवा वास्ते ङोख चते-चते थाकला कोनी।